Vallja e Tropojës

Vallja e Tropojës ose ndryshe K'cimi i Tropojës është një element i trashëgimisë kulturore jomateriale të Shqipërisë, i përfshirë në Listën Përfaqësuese të Trashëgimisë Kulturore Jomateriale të Njerëzimit të UNESCO-s në vitin 2024 dhe ppërfaqëson një formë tradicionale të vallëzimit që ushtrohet kryesisht në zonën e Tropojës, në veri të Shqipërisë, dhe është një pjesë e rëndësishme e identitetit kulturor të komunitetit vendas.

Vështrim

Vallet popullore të Malësisë se Gjakovës shquhen për ritmin dhe ekspresivitetin e veçantë. Tipari dallues i valleve popullore të burrave është forca e dinamizmi, ato ndonëse karakterizohen nga spontaniteti në interpretim, ato kane edhe një tematikë të caktuar.

Ndërsa vallet e grave janë tejet dinamike, elegante, herë herë shpërthyese, por edhe të shtruara plot krenari dhe hijeshi. Përfytyro fluturimin e shqipes e të Sokolit, aty nis ritmin vallja malësore e Malësisë se Gjakovës. Në dhjetor 2024,shpallet zyrtarisht pjesë e listës përfaqësuese të Trashëgimisë Kulturore Jomateriale të Njerëzimit në UNESCO. "Kcimi i Tropojës" është traditë festive tradicionale ku kërcehet më së shumti nga vetë tropojanët e tanimë është bërë një kërcim që të githë e duan dhe e pëlqejnë. Kcimi i Tropojës shoqërohet nga këngë tropojane e melodi te vecanta të instrumenteve si: tupani, sharkia, fyelli, çiftelia, fleta etj. Zakonisht kërcimi tropojës ne thelb përmban lëvizjet energjike të një djali dhe një vajze njëkohësisht ku djali ka lëvizje te përziera me ato të një dyluftimi e vajza ka lëvizjet e bukura dhe të lehta ku karakterizon zanat dhe vashat. Mbi të gjitha çka e bën më të bukur Kcimin e Tropojës janë veshjet tradicionale të Tropojës, ajo e "çikave" me detaje të bukura shumëngjyrëshe dhe ajo e "djemve" me plis dhe tirqe. Çka e ka bërë Kcimin e Tropojës më të dashur tani më është fakti se është futur në UNESCO dhe njihet në mbarë botën si një element kulturor i mbrojtur e i trashëguar. Duhet të ceket se Kcimi i Tropojës është i vjetër po aq sa vet populli Tropojan.

Shih edhe

• Lista e valleve shqiptare
• Lista e trashëgimisë kulturore jomateriale në Shqipëri
• Lista e vendeve të Trashëgimisë Botërore në Shqipëri