Shko te përmbajtja

Veshjet ushtarake të Romës së lashtë

Nga Wikipedia, enciklopedia e lirë
333pxKohët e lashta, romakët. - 017 – Costumes of All Nations (1882).

Legjionet e Republikës Romake dhe Perandorisë Romake kishin një veshje dhe armaturë mjaft të standardizuar, veçanërisht afërsisht nga fillimi ose mesi i shekullit të I e në vijim, kur u fut lorica segmentata (armatura e segmentuar).[1] Megjithatë mungesa e një prodhimi të unifikuar për Ushtrinë Romake donte të thoshte se kishte akoma diferenca të konsiderueshme në hollësi. Madje armatura e prodhuar në fabrikat shtetërore varionin sipas provincës së origjinës.[2]

Problemi tjetër është se romakët i morën ose i vodhën shumicën e dizajneve nga popujt e tjerë. Fragmente të mbijetuara veshjesh dhe pikturash muri tregojnë se tunika bazë e ushtarit romak ishte në të kuqe ose leshi të pangjyrosur.[3] Komandantët madhorë dihet se kanë veshur mantele të bardhë dhe pendë. Centurionët, që përbënin rangjet e oficerëve, kishin dekorime në pllakat e parzmoreve të tyre që përkojnë me medaljet moderne dhe bastunë të gjatë që mbanin.

Shembujt e pjesëve të armaturës personale të Ushtrisë Romake përfshinin:

  • Galea ose helmeta e ushtarit. Forma variuese përfshinin Helmet Coolus, Helmetën Montefortino dhe helmetën perandorake.
  • Gambieret, për të mbrojtur këmbët.
  • Lorica (armaturë), duke përfshirë:
    • Lorica hamata (armaturë rrjetë zinxhirësh)
    • Lorica manica (mbrojtëse e krahëve)
    • Lorica plumata (një formë armature copa që u ngjanin pendëve)
    • Lorica segmentata' (armaturë e segmentuar)
    • Lorica squamata (armaturë luspore)
    • Lorica musculata (armaturë muskulore)
  • Pteruges, ndoshta më së shumti për rangjet e larta, formonin një mbulesë mbrojtëse prej lëkure ose thurjeje fashash shumë-shtresëse (lini) ose fasha të veshura të varura në bel i parzmores.

Veshje dhe pajisje të tjera përfshinin:

  • Një tunikë
  • Brezi i supit, një rrip i mbajtur përgjatë një supi që zakonisht përdorej për të mbajtur një armë (zakonisht një shpatë) ose pajisje të tjera si një bri ose tambur.
  • Balteus, brezi standard i mbajtur nga legjionari romak. Ai përdorej me gjasa për të mbajtur veshjet ose për të mbajtur armët.
  • Braccae (brekushet), popullor me legjionarëve romakë të vendosur në klima më të ftohta në veri të Italisë Jugore.
  • Caligae, këpucë ushtarake me shuall të rëndë ose sandale, që visheshin nga legjionarët romakë dhe auxiliarii përgjatë historisë së Republikës dhe Perandorisë Romake.
  • Focale, një shall i veshur nga legjionarët romakë për të mbrojtur qafën nga gërvishtja e shkaktuar nga kontakti i vazhdueshëm me armaturën ushtarake.
  • Loculus, një çantë shpine e mbajtur nga gjegjionarët si një pjesë e sarcina-s (paketa e marshimit) së tyre.
  • Paludamentum, një mantel ose kapotë e lidhur në një sup, e veshur nga komandantët ushtarakë dhe (më rrallë) nga trupat e tyre. Ushtarët e zakonshëm vishnin një sagum në vend të një paludamentum.

Shiko gjithashtu

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ↑ Michael Simkins (1979). The Roman Army from Hadrian to Constantine (në anglisht). Osprey Publishing. fq. 17.
  2. ↑ Windrow, Martin (1996). Imperial Rome at War (në anglisht). fq. 16. ISBN 962-361-608-2.
  3. ↑ Sumner, Graham (2009). Roman Military Dress (në anglisht). Stroud: The History Press. ISBN 978-07524-4576-2.

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Veshjet_ushtarake_të_Romës_së_lashtë&oldid=2873492"