Wikipedia:1 Shkollë, 1 Artikull, 2026

1 Shkollë, 1 Artikull është një fushatë që synon të përfshijë shkollat në Kosovë dhe Shqipëri për të krijuar ose përmirësuar 1 artikull për shkollën e tyre në Wikipedia me burime të besueshme dhe të verifikueshme.

Fushata është e hapur edhe për shkollat e komuniteteve shqiptare në Maqedoninë e Veriut, Serbi dhe Mal të Zi, veçanërisht me pjesëmarrje në internet.

Në Wikipedia lejohet të shkruhet apo të përmirësohet një artikull për një shkollë, nëse ajo përmban burime të besueshme dhe të pavarura. Mjafton të jetë e përmendur dhe e trajtuar në mënyrë domethënëse nga burime që nuk janë vetë shkolla.

Fushata zgjat nga 5 shkurti deri më 20 mars. Në fund të fushatës, kontribuuesit do të marrin certifikata për punën e tyre vullnetare dhe dhurata.

Kush mund të marrë pjesë

Shkollat fillore dhe të mesme. Rekomandojmë të krijohen ekipe me rreth 5 nxënës të udhëhequr nga një mësues ose staf i shkollës. Ju lusim të regjistroheni në këtë formular dhe në Dashboard. Artikulli mund të krijohet dikund tjetër si në Google docs ose Etherpad ose tek Livadhi vetjak në Wikipedia i ndonjë nga pjesëmarrësit. Inkurajojmë të gjithë ekipën të marrë pjesë në shkrim, Wikipedia është projekt bashkëpunues.

Rregullat e pjesëmarrjes

Para se të nisni shkrimin, sigurohuni që zotëroni të paktën 2–3 burime të pavarura për shkollën.

Burime të mira

artikuj nga media serioze (me autor, datë etj.)
libra, monografi lokale, botime studimore
raporte, publikime dhe dokumente institucionale (kur kanë përmbajtje reale)

Rregullat kryesore:

Shkruani në stil enciklopedik: pa "ne" ose "shkolla jonë".
Mos përdorni gjuhë reklamuese. Wikipedia nuk është faqe reklamash.
Çdo fakt duhet të ketë burim, pra të referohet.
Artikulli duhet të jetë neutral. Edhe nëse shkolla do të duket "sa më mirë", Wikipedia nuk e lejon këtë stil.
Dekurajohet përdorimi i ChatGPT–së dhe Inteligjencës Artificiale në shkrim të artikullit.

Shmangni fjali si "shkolla më e mirë", "tradita vazhdon", "nivel i shkëlqyer" apo krahasime me shkolla të tjera për të nxjerrë rivalitete, fjali me gjuhë marketingu dhe deklarata pa burime, p.sh.: "ka rezultate të larta", "ka emër të mirë", "është shkolla më e kërkuar", etj. Shamngni edhe tekstet si: misioni dhe vizioni, sepse mund të shërbejnë si reklama.

Struktura e artikullit

Hyrje (3–4 fjali përmbledhëse)
Historia e shkollës (2–3 paragrafë)
Objekti, zona që shërben
Aktivitetet jashtëshkollore (sportive, kulturore, klubet etj)
Arritjet e shkollës
1. Çmimet/mirënjohjet
Ish-nxënës (alumni) të shquar
Referime

Kutia e informacionit

Infobox janë kutitë informuese për subjektin në Wikipedia. Kopjojeni këtë kod dhe vendoseni në faqen tuaj:

{{Infobox school
|name=
|image=
|alt=
|motto=
|established=
|principal=
|president= 
|enrollment=
|city=
|website=
|teaching_staff=
|logo=
|type=
}}

Kohëzgjatja e fushatës

5 shkurt–20 mars 2026

Prezantimi dhe ndihma

Ne do të kemi mundësinë të takohemi disa herë virtualisht në Jitsi për t’ju informuar dhe për t’ju udhëzuar për fushatën dhe si të shkruani artikuj në Wikipedia:

16 shkurt, ora 16:00-17:30 — Prezantim i fushatës, rregullat, si organizohet puna në grup etj.
18 shkurt, ora 16:00–17:30 — Udhëzim praktik se si gjenden burimet, si vendosen referencat, si ndërtohet artikulli, shembuj etj.

Office hours për ndihmë: Gjithashtu janë edhe 3 takime të tjera, ku mund të kërkoni ndihmë për: burime, referenca, strukturë artikulli, vendosje të imazheve etj.

2 mars, ora 16:00–17:30
5 mars, ora 16:00–17:30
9 mars, ora 16:00–17:30

Materiale udhëzuese

Si redaktohet një artikull me burimet dhe referencat. Shihni këtu.
Rregullat e redaktimit në Wikipedia mund t'i shihni edhe këtu.

Regjistrimi

Regjistroni në Outreach dashboard për të marrë pjesë.
Përmbledhje e redaktimit:#1Shkolle1Artikull

Kontakt

Për ndihmë dhe pyetje mund të na kontaktoni në emailin tonë info@wikimediashqip.org, WhatsApp, ose në rrjetet sociale Facebook, Instagram ose X.

Organizatorët

Wikimedianët e Gjuhës Shqipe