Zgjedhjet parlamentare në Shqipëri, 1921

Zgjedhjet parlamentare të viti 1921 ishin zgjedhjet e para të mbajtura në Shqipëri.

Pas një kongresi kombëtar në janar 1920, u formua një Këshill Kombëtar prej 37 anëtarësh. Më 24 nëntor 1920, 18 anëtarë të Këshillit dhanë dorëheqjen dhe bënë thirrje për zgjedhje dhe për një parlament të ri. Qeveria më pas miratoi vendimin për mbajtjen e zgjedhjeve më 14 dhjetor.

Zgjedhjet e para parlamentare në Shqipëri u zhvilluan në pranverën e vitit 1921, pasi deri në atë kohë ato nuk ishin zhvilluar për shkak të Luftës së Parë Botërore, ku ishte përfshirë dhe Shqipëria.

Sistemi zgjedhor

Zgjedhjet u mbajtën në një bazë të tërthortë, me dy faza. Në raundin e parë, votimi ishte i kufizuar për meshkujt e moshës mbi 20 vjeç, të cilët zgjodhën një zgjedhës për çdo 500 votues të regjistruar me votim të parë.Katër javë më vonë, zgjedhësit u mblodhën në qytetin kryesor të çdo qarku për të zgjedhur 78 anëtarët e parlamentit.

Rezultatet

Në zgjedhjet për parlamentin e parë shqiptar konkuruan disa parti e shoqata si: Partia Përparimtare, Shoqëria “Bashkimi”, Partia Popullore etj. Partia Përparimtare e udhëhequr nga Shefqet Vërlaci dhe Partia Popullore e udhëhequr nga Fan Noli dhe Luigj Gurakuqi fituan thuajse të njëjtin numër mandatesh (28 deputetë).

Parlamenti i parë shqiptar u hap më 21 prill të atij viti dhe godina e parë e parlamentit shqiptar, ka qenë aty ku është sot Akademia e Shkencave dhe në atë parlament morën pjesë 76 deputetë, të cilët u zgjodhën pas një procesi relativisht të rregullt nga nëntë prefekturat e vendit, si: Berati, Durrësi, Elbasani, Gjirokastra, Korça, Kosova, Shkodra, Vlora dhe ajo e Kolonisë shqiptare të SHBA-së.