Zgjedhjet parlamentare në Shqipëri, 1997

Nga Wikipedia, enciklopedia e lirë
Jump to navigation Jump to search

Zgjedhjet e parakohshme të vitit 1997, u mbajtën si rezultat i situatës së rënduar në Shqipëri, si pasojë e krizës piramidale. Data e mbajtjes së zgjedhjeve u publikua më 21 prill 1997. Më 23 qershor 1997 nënshkruan Paktin për të Ardhmen e Shqipërisë. Në zgjedhje morën pjesë 23 parti me 1050 kandidatë për 155 vende. Partia Demokratike në pushtet kishte kundërshtar kryesor aleancën opozitare të përbërë nga Partia Socialiste, Partia Socialdemokrate dhe Aleanca Demokratike. Misioni i OSBE i kryesuar nga Franz Vranitski i quajti këto zgjedhje "të pranueshme". Zgjedhjet u mbajtën me dy raunde, njëri më 29 qershor dhe tjetri më 6 korrik (ku zgjedhjet u përsëritën në 32 zona elektorale), ku në total ish-komunistët e PS fituan plot 101 vende. Vëzhguesit i cilësuan "të kënaqshme dhe të vlefshme" por jo "të lira e të ndershme" duke iu referuar dhunës së ushtruar mbi përfaqësuesit e Partisë Demokratike. Më 23 korrik, Sali Berisha u largua nga posti i Presidentit dhe u pasua nga Rexhep Meidani. Kabineti i ri qeveritar i udhëhequr nga Fatos Nano u betua dy ditë më vonë, më 25 korrik.

- -
Numri i votuesve të regjistruar 1,947,235
Qytetarët që votuan 1,412,929 (72.56%)

Partitë politike që u futën në parlament dhe vendet që fituan:

Partia Vendet Proporcional Mazhoritar Shkurtimi
Socialiste 101 22 79 PSSH
Demokratike 25 8 17 PDSH
Social-Demokrate 10 1 9 PSD
Bashkimi për të Drejtat e Njeriut 4 1 3 PBDNJ
Balli Kombëtar 3 1 2 PBK
Aleanca Demokratike 2 1 1 PAD
Të tjera 10 6 4 -

Shpërndarja e vendeve sipas gjinisë :

Gjinia Numri
Meshkuj 147 (94.84 %)
Femra 8 (5.16 %)

Referime[Redakto | Redakto nëpërmjet kodit]

Unioni Ndërparlamentar (Inter-Parliamentary Union) :Zgjedhjet e vitit 1997