Agjencia e Statistikave të Kosovës

Agjencia e Statistikave të Kosovës

Agjencia e Statistikave të Kosovës
Logo zyrtare
Shkurtesa	ASK
Lloji	Agjenci
Koordinatat	42.6651886,21.1659775
Rajoni i shërbimit	Republika e Kosovës
Gjuha zyrtare	Shqip, Anglisht, Serbisht
Organizata amë	Qeveria e Kosovës
Faqja në internet	http://ask.rks-gov.net/

Agjencia e Statistikave të Kosovës (ASK-ja) është institucion profesional, i pavarur, bartës dhe shpërndarës i statistikave zyrtare dhe koordinator i statistikave zyrtare të Kosovës, e cila vepron në kuadër të Zyrës së Kryeministrit (ZKM-së) dhe ushtron funksionet dhe përgjegjësit e saj të përcaktuara me Ligjin Nr. 06/L-058 për statistikat zyrtare të Republikës së Kosovës (Gazeta Zyrtare, nr. 3/2019, 17 Janar 2019) dhe Rregulloren përkatëse për organizimin e Agjencisë së Statistikave të Kosovës.

ASK kryen detyrat dhe përgjegjësitë tjera të përcaktuara me legjislacionin në fuqi si dhe detyrat e përcaktuara nga Kryeministri.

Misioni

Misioni i ASK-së është të sigurojë të dhëna cilësore në kohë dhe statistika zyrtare relevante, që i përmbushin nevojat e të gjithë shfrytëzuesve vendorë dhe ndërkombëtarë

ASK përmes planeve vjetore të veprimit ka synuar ta:

• fuqizojë planifikimin e ASK-së dhe ta finalizojë zbatimin e KVP-së, ta finalizojë

riorganizimin e ASK-së dhe ta fuqizojë Departamentin e Planifikimit2 dhe Departamentin e Regjistrimit dhe Anketimit;

• themelojë një dialog sistematik me përdorues;
• fuqizojë Teknologjinë Informative (TI) dhe shërbimet mbështetëse;
• zbatojë paralelisht metodologjinë e dokumentimit dhe proceset e prodhimit. Lidhur me këtë PSZ 2013 - 2017 përcakton prioritetet për zhvillimin e fushave statistikore, që janë sipas renditjes së prioriteteve.

Historiku

Agjencia e Statistikave të Kosovës (ASK) u themelua në vitin 1948, gjatë një periudhe të transformimit socio-politik të asaj kohe. Objektiv parësor ishte mbledhja sistematike, përpunimi dhe shpërndarja e të dhënave statistikore lidhur me aspekte të ndryshme të shoqërisë dhe ekonomisë së Kosovës. ASK-ja ofron njohuri kyçe mbi demografinë e popullsisë, treguesit ekonomikë, bujqësinë dhe më shumë.

Vitet ’90-të shënuan një periudhë sfidash të rëndësishme për Kosovën, duke përfshirë edhe trazirat politike. Mes këtyre vështirësive, gjatë kësaj kohe, ASK-ja u përball me represion politik nga Serbia. Në një kthesë shqetësuese të ngjarjeve, zyrtarët e ASK-së u larguan padrejtësisht nga puna nga autoritetet serbe në vitin 1990, duke lënë një boshllëk në prodhimin statistikor të Kosovës.

Në fillim të shekullit të ri XXI, ASK-ja luajti një rol të rëndësishëm, duke ofruar të dhëna statistikore, për shtet-formimin e Republikës së Kosovës. ASK-ja iu bashkua organizatave ndërkombëtare, e sidomos Eurostat-it, për ndryshime metodologjike dhe adaptimin e metodave të reja teknologjike në mbledhjen, analizën dhe shpërndarjen e të dhënave, duke siguruar cilësi dhe besueshmëri të statistikave zyrtare.

Viti 2011 shënoi një moment historik për Kosovën në përgjithësi dhe për ASK-në në veçanti, duke kryer Regjistrimin e Popullsisë, Ekonomive Familjare dhe Banesave (REKOS 2011) për her të parë pas 30 vjetësh. Ky regjistrim siguroi informacione demografike dhe socio- ekonomike, gjithëpërfshirëse dhe të përditësuara.

Pas përfundimit të Regjistrimit të Popullsisë (REKOS 2011) u hap rrugë për ta realizuar edhe Regjistrimin e Bujqësisë 2014. Regjistrim ky, që u realizuar pas 50 vjetësh. Regjistrimi i Bujqësisë 2014 siguroi të dhëna lidhur me përdorimin e tokës, prodhimin e të korrave, blegtorinë dhe tregues të tjerë jetikë bujqësorë. Regjistrimi i Bujqësisë 2014 u mundësoi politik-bërësve, studiuesve dhe palëve të interesuara, për të hartuar strategji të qëndrueshme për politikat bujqësore dhe zhvillimin rural. 2017

Viti 2017 shënoi një moment kthese në rrugëtimin e ASK-së praktikave statistikore ndërkombëtare. Për herë të parë u bë pjesë e procesit “Peer review” të organizuar nga Eurostati.

Shih edhe

• Demografia e Kosovës
• Historia demografike e Kosovës
• Regjistrimet e popullsisë në Kosovë