Krushica e Poshtme

Krushicë e Poshtme Dardhisht i Poshtëm
Fshat

Krushicë e Poshtme është një vendbanim në komunën e Therandës, Kosovë. Pas vitit 1999 fshati është i njohur edhe me emrin Dardhishtë e Poshtme.

Gjeografia

Shtrihet rreth 8 km në lindje të qendrës komunale të Therandës. Krushica e Poshtme është vendbanim i tipit të shpërndarë.

Historia

Jetojnë familjet Jasharaj, Maliqi, Selmanukaj. Këto dy të fundit kanë ardhur nga Budakova, ku e kanë gjetur familjen Jashari.

Në Dardhishtën e Poshtme, thuhet se vendbanimi i vjetër ka qenë në lagjen e sotme të Maliqëve. Në një livadh (në mes të Lumarit (Reçanit) e Dardhishtës) mund të gjendën mbeturina të tjegullave, tullave, gurëve etj., që dëshmon se mund të ketë qenë i banuar). Në jug të fshatit, në anën e epërme të Udhës së Latinëve ndodhet i ashtuquajtur Guri i Shkruar ose Guri Latin, por në te nuk ka asnjë gjurmë të shkrimit. Është ruajtur edhe mikrotoponimi Udha e Latinëve që kalonte nëpër Dardhishtën e sotme të Poshtme dhe shkonte për Bukosh. Në Dardhishtën e Poshtme janë ruajtur mikrotoponimet: Livadhi i Demë Nikës, Ara e Stakës, Mali Shubot, Vneshta, Ara e Metës, Ara e Gegës, Ara e Zanit etj.

Në dokumentet e shkruara përmendet në vitin 1348 në kartën e Car Dushanit, dhe në defterin kadastral osman të Sanxhakut të Shkodrës varur nga Prizreni të vitit 1485 ku kishte 14 shtëpi, 8 beqarë e 3 të veja. Me emrin Kroshiçe, përkatësisht Krushevicë është i regjistruar si vendbanim në sallnamet e Vilajetit të Kosovës të vitit 1893, të vitit 1896 dhe të vitit 1900.

Demografia

Shënimet statistikore:

• në vitin 1961 kishte 31 shtëpi me 253 banorë (250 shqiptarë dhe 3 të tjerë);
• në vitin 1971 - 40 shtëpi me 344 banorë shqiptarë;
• në vitin 1981 - 50 shtëpi me 436 banorë shqiptarë.

Para agresionit serb në vitet 1998/99 fshati kishte 112 shtëpi me 742 banorë shqiptarë. Nga sulmet barbare serbe janë djegur 109 shtëpi të banimit dhe objektet tjera ndihmëse dhe ekonomike. Nga ky vendbanim janë vrarë 3 banorë (1 dëshmor e 2 civilë). Popullata ishte larguar nga fshati në korrik të vitit 1998, disa ishin strehuar në fshatrat tjera e shumica ishin deportuar në Shqipëri.

Qendra arkeologjike në Krushicë të Poshtme

Qendrat arkeologjike të komunës Suharekë

Në Krushicë të Poshtme janë gjetur gjurmë arkeologjike të tipit "vendbanim dhe varreza" të periudhës së shekullit I-IV dhe periudhës mesjetare.

Në Krushicë të Poshtme emri i qendrës arkeologjike është "Vendbanim i shekullit I-IV" në koordinatat 7491449.18 dhe 4690875.25.

Lidhje të jashtme

• vendndodhja
• https://therandachat.de.tl/Theranda.htm
• https://www.academia.edu/5230107/HARTA_ARKEOLOGJIKE_E_KOSOVES_I

Komuna e Therandës

Qyteti: Theranda dhe fshatrat:

Bllaca | Budakova | Bukoshi | Buzhala | Çadraku | Delloci | Dobërdelani | Dubrava | Duhla | Dvorani | Gelanca | Greiçeci | Greikoci | Gjinoci | Javori | Kastërca | Krushica e Epërme | Krushica e Poshtme | Leshani | Luzhnica | Maçiteva | Mohlani | Mushtishti | Nepërbishti | Nishori | Papazi | Peqani | Popolani | Reshtani | Reçani | Sallagrazhda | Samadrexha | Savrova | Semetishti | Sllapuzhani | Sopia | Stravuçina | Studençani | Tërnja | Vërsheci | Vraniqi

Ky artikull me tematikë në lidhje me gjeografinë e Kosovës është një faqe cung. Ju mund të ndihmoni Wikipedia-n duke e përmirësuar atë.