Kerberi

Cerberus guarding the entrance to the Royal Institute of Technology in Stockholm.

Cerberus, watercolour by William Blake

Cerberus pictured next to Hades.

An ancient Etruscan vase from Caere (ca 525 BC) depicting Heracles presenting Cerberus to Eurystheus

Cerberus, as illustrated by Gustave Doré in Dante's Divina Commedia

In this vase painting, Heracles leads a two-headed Cerberus out of Hades.

Kerberi (greqisht: Κέρβερος, Latin: Cerberus) - qeni i botës nëntokësore, i biri i viganit Tifon njëqindkrerësh dhe i Ehidnës gjysmëgrua - gjysmëgjarpër.

Ka pasur tri koka, rreth qafës i mbështilleshin gjarpërinjtë, ndërsa bishti përfundonte me kokën e gjarpërit. Pamja e tij e tmerrshme përputhej shkëlqyeshëm me funksionin që e ka pasur në Had, në perandorinë nëntokësore. Ka qenë rojtar i rreptë në hyrjen e tij edhe më i ashpër në daljen e tij. Të vdekurit i lëshonte në të me mirësi, por jashtë nuk e lëshonte askend. Për nga vigjilenca e tij e rojtarit dhe detyra mbeti si proverb. Mirëpo, nganjëherë i ndodhte që ndonjëri ta mashtrojë. Vetëm një herë është gjetur jashta nëntokës, në dritën e ditës: atëherë kur Herakliu e sjell me urdhër të Euristeut në Mikenë. Vëllazërit e tij ishin luani i Nemeut dhe qeni dykrerësh i Ortit të shëmtuar, ndërsa motrat Hidra e Lernisë, Sfinga e Tebës dhe Himera.

Kerberi nuk mungon në asnjë pikturë të perandorisë nëntokësore të Hadit. Përafërsisht janë ruajtur njëzet piktura në vazat në të cilat është Kerberi me Herakliun. Piktura më e famshme është ndoshta ajo në vazat e Italisë së Jugut ku paraqitet Perandoria e botës nëntokësore e Hadit për nga koha rreth vitit 340 para e.s., (gjendet në Muzeun Popullor në Napoli) dhe Euristeu, Herakliu dhe Kerberi e viteve 530-520 para e.s. dhe gjendet në Luvër të Parisit.