Universiteti Rus i Miqësisë së Popujve

Adresa: 117198, Moscow Miklukho-Maklaya str. 6

                Tel.: +7 (495) 434 5300
                FAX: +7 (495) 433 1511 

Web-Site: http://www.rudn.ru]]

Universiteti i Miqësisë së Popujve (rusisht: Российский университет дружбы народов, РУДН) u themelua në 5 shkurt 1960, me vendim të Qeverisë së Bashkimit të Republikave Sovjetike Socialiste (BRSS). Në 22 shkurt 1961, Universitetit i'u dha emri i Patris Lumumbës, një ndër simbolet e luftës së popujve të Afrikës për pavarësi.

Në 5 shkurt 1992, me vendim të Qeverisë së Rusisë, Universiteti u emërtua Universiteti Rus i Miqësisë së Popujve (Российский Университет дружбы народов). Themeluese e këtij Universiteti është Qeveria e Federatës Ruse.

Prej vitit 2005, Rektori i Universitetit Rus të Miqësisë së Popujve është Vladimir M. Filipov, Doktor i Shkencave të Matematikës dhe Fizikës, Profesor, anëtar i Akademisë Ruse të Arsimit, si dhe Kryetar i Këshillit të Lartë të Atestimit në Ministrinë e Arsimit dhe të Shkencës së Federatës Ruse.

Në ditët e sotme, Universiteti Rus i Miqësisë së Popujve është një ndër qendrat e mirënjohura të arsimit të lartë. Çdo vit në të ndjekin arsimin e lartë studentë nga 140 vende të botës. Universiteti Rus i Miqësisë së Popujve ka një strukturë me profile të shumëllojshme të fakulteteve dhe disiplinave studimore, çfarë është karakteristike për universitetet klasike në botë. Më shumë se 70 000 të diplomuar në këtë universitet, me grada shkencore doktorë e profesorë, punojnë në më shumë se 170 vende. Përgatitja e specialistëve realizohet në 62 degë dhe disiplina studimore.

Mësimdhënia

Godina kryesore

Fakultetet

• Fakulteti Agrar
• Fakulteti i Inxhinierisë
• Fakulteti i Mjekësisë
• Fakulteti i Shkencave të Natyrës, Fizikës dhe Matematikës
• Fakulteti i Shkencave Shoqërore dhe Sociale
• Fakulteti Filologjik
• Fakulteti i Gjuhës Ruse dhe Disiplinave të Përgjithshme Arsimore
• Fakulteti Ekologjik
• Fakulteti Ekonomik
• Fakulteti Juridik

Institutet

• Instituti i Hotelerisë dhe Turizmit
• Instituti i Programeve Ndërkombëtare
• Instituti i Gjuhëve të Huaja
• Instituti i Ekonomisë Botërore dhe Biznesit
• Instituti Arsimor-Shkencor i Gravitetit dhe Kozmologjisë
• Instituti i Problemeve Mjekësore-Biologjike
• Instituti i Analizës Sistemike dhe i Administrimit në Arsimin Profesional

Kërkimi shkencor

Si një qendër e madhe shkencore, në Universitetin Rus të Miqësisë së Popujve, aktualisht studiojnë rreth 27 mijë studentë. Në këtë universitet punon një kolektiv i përbërë nga 4500 bashkëpunëtorë, prej tyre 2826 pedagogë të një kualifikimi të lartë. Prej tyre, rreth 600 janë profesorë dhe doktorë shkencash, më shumë se 1300 janë me titujt shkencorë docent dhe kandidat i shkencave. Ndër pedagogët e Universitetit Rus të Miqësisë së Popujve, 16 prej tyre janë akademikë, apo pjesëtar-korrespondentë të Akademisë Ruse të Shkencave dhe akademive të tjera shtetërore. 26 pedagogë të Universitetit Rus të Miqësisë së Popujve janë faktikisht anëtarë të akademive dhe shoqatave shkencore të shteteve të ndryshme.

Lidhjet ndërkombëtare

Universiteti Rus i Miqësisë së Popujve gëzon lidhje të gjera e të konsoliduara ndërkombëtare si me institucione të tjera të arsimit të lartë, ashtu dhe me organizata ndërkombëtare. Ky Universitet është anëtar i Shoqatës Ndërkombëtare të Universiteteve, anëtar i Shoqatës Euro-Aziatike të Universiteteve dhe bashkëpunon me Organizatën Ndërkombëtare të Frankofonisë, Shoqatën e Universiteteve të Kryeqyteteve të Evropës, Shoqatën Ndërkombëtare Evropiane të Arsimit të Lartë, si dhe merr pjesë në programet dhe forumet e Organizatës së Kombeve të Bashkuara (OKB), UNESCO-s, Këshillit të Evropës dhe organizatave të tjera ndërkombëtare dhe ndërqeveritare. Universiteti Rus i Miqësisë së Popujve është një ndër themeluesit e rrjetit të bashkëpunimit mes universiteteve të Evropës dhe Azisë qendrore, të rrjetit akademik të universiteteve të vendeve të Evropës Lindore dhe Juglindore, etj.

Lidhje të jashtme

• Official website
• Official Students Forum Arkivuar 25 maj 2013 tek Wayback Machine