Ada Lovelace

Nga Wikipedia, enciklopedia e lirë
Shko te: navigacion, kërko
Ada Lovlejs, 1840

Ada Lovlejs (ang. Ada Lovelace), emri i plotë Augusta Ada King, Countess of Lovelace (10 dhjetor 1815 - 27 nëntor 1852), e lindur Augusta Ada Bajron dhe tani zakonisht e njohur si Ada Lovlejs, ishte një matematikane angleze dhe shkrimtare e njohur kryesisht për punën e saj në kompjuterin mekanik me përdorim të përgjithshëm të Çarls Bebixhit, motori analitik. Shënimet e saj mbi motorin përfshijnë atë që është e njohur si algoritmi i parë që synohet të përpunohet nga një makinë. Për shkak të kësaj, ajo është konsideruar shpesh si programuesi i parë në botë i kompjuterit.

Ada ishte i vetmi fëmi legjitim i poetit Lordit Bajron dhe gruas së tij En Isabella Bajron. Ajo nuk kishte asnjë kontakt me babanë e saj, i cili u nda nga nëna e saj vetëm një muaj pas lindjes së Adës, dhe katër muaj më vonë u largua përgjithmonë nga Anglia duke vdekur në Greqi në vitin 1823, kur ajo kishte tetë vjeç. Si e re, ajo u interesua në matematikë dhe në punën e Bebixhit, në veçanti mbi motorin analitik. Midis viteve 1842 dhe 1843, ajo përkthej një artikull nga matematikani italian Menabrea Luixhi mbi motorin, të cilën ajo e plotësoj me një sërë shënimesh të saj. Këto shënime përmbajnë atë që është konsideruar programi i parë kompjuterik - një algoritëm i koduar për përpunim nga një makinë. Shënimet e Adës janë të rëndësishme në historinë e hershme të kompjuterëve. Ajo gjithashtu parashikoi aftësinë e kompjuterëve për të shkuar përtej llogaritjeve të thjeshta të numrave - përderisa të tjerët, duke përfshirë edhe vet Bebixhin, përqendroheshin vetëm te këto aftësi.