Hotel Rogner Tirana
Rogner Hotel Tirana (i njohur edhe si Hotel Europapark) është një hotel luksoz i vendosur në Bulevardin Dëshmorët e Kombit, në jug të qendrës kryesore të Tiranës, Shqipëri . Duke qenë se ndodhet pranë Pallatit Presidencial dhe disa ambasadave të huaja, është një vend i dukshëm për konferenca dhe ngjarje të lidhura me median. Hoteli me formën e tij të veçantë të gjysmëhënës dhe është i vendosur në kopshte të stilit mesdhetar. [1] [2]
Historiku[Redakto | Redakto nëpërmjet kodit]
Hotel Europapark është hoteli i parë privat i ndërtuar në zonën qendrore të Tiranës përgjatë bulevardit "Dëshmorët e Kombit", me investitor austriak. Hoteli u përurua në vitin 1999. Hoteli është një godinë pesëkatëshe, me strukturë arkitekturore kompakte të përmbajtur dhe të thjeshtë, që formon një ansambel arkitekturor me godinat rreth saj dhe dallohet për zgjidhje të pastër funksionale të planit. Në katin përdhes janë vendosur mjediset e rëndësishme shoqërore dhe hoteliere, ndërsa në katet e tjera janë vendosur dhomat e fjetjes.
Hoteli ka 151 dhoma me një dhe dy shtretër, të pajisura mirë. Nëpërmjet një pandusi në hyrje të hotelit kalohet në hollin qendror dhe më pas në tri sallat e konferencave, në sallën e madhe të restorantit, të mjediseve të biznesit, të administratës etj. Arkitektura e restorantit përfaqëson një vëllim prizmi me një plan gjashtëkëndësh, i shkëputur nga godina e hotelit dhe i rrethuar me një verandë të gjerë. Hoteli është me shumë dritë dhe diell, i hapur nga ana jugore dhe i ndriçuar njëherazi dhe nga lart. Holli kryesor dhe restoranti lidhen me gjelbërim dekorativ të parkut, që përbën një mjedis të jashtëm tepër të këndshëm dhe rekreativ.
Shih edhe[Redakto | Redakto nëpërmjet kodit]
Referime[Redakto | Redakto nëpërmjet kodit]
- ^ Rogner Hotel Tirana: Pjesë e historisë së Shqipërisë
- ^ "Si ia doli Rogner në Tiranë". Arkivuar nga origjinali më 31 janar 2018. Marrë më 4 korrik 2023.
{{cite web}}: Mungon ose është bosh parametri|language=(Ndihmë!)