Jackie Chan

Nga Wikipedia, enciklopedia e lirë
Shko te: navigacion, kërko
Jackie Chan
Jackie Chan 2002.jpg
Jackie Chan
Emri: Jackie Chan
Ditëlindja: 7 Prill 1954 (60 vjeçar)
Vendlindja: Kinë, Hong Kong
Filma & seriale 
 shquar:
Rush Hour

Jackie Chan lindi më 7 prill, 1954Hong Kong. Është një aktor, regjisor, këngëtar dhe kaskader kinez. Lindur në Hong Kong, në fillimet e veta ai njihej me nofkën Sing Lung (Dragoi). Karriera e tij përfshin një sërë filmash të realizuar në Kinë dhe në ShBA. Në fëmijëri Xheki u vendos në Insitutin Kërkimor të Operas së Pekinit, një shkollë me një disiplinë të hekurt. Për një periudhë të gjatë ai studioi artet marciale, muzik dhe të tjera disiplina të cilat do e ndihmonin në të ardhmen. Fillimisht Xheki Can kryente role jo me peshë në film. Një nga shfaqjet më sinjikative të tij gjatë viteve 70, ishte roli si antagonist i Brus Lisë. Më shumë informacion mbi aktorin mund të gjendet në autobiografinë e tij të titulluar: Xheki Can: Një jetë me aksion.

Xheki Can mori rolin e tij deçiziv në filmin Grushti i Ri i Furishëm – si vazhdim i filmit të suksesshëm të Brus Lisë Grushti i Furishëm – por pa arritur sukses. Në të tilla kushte, ai vendosi të paraqiste element të rinj në filmat e tij që kishin të bënin me një sërë situatash komike dhe gafash të ndërthurura me aksionin e arteve marciale. Në 1978 Xheki Can fiton famë me filmin e tij Mjeshtri Pijanec. Për firmën televizive “Sky” Xheki tha se suksesi i tij qëndronte në të bërën krejt të kundërtën e aktorit Brus Li. “– Në se Brus Li ishte serioz, atëherë personazhi im duhej të ishte krejt e kundërta” – u shpreh ai në intervistë. Shpesh gjatë interpretimit të filmave, Can është dëmtuar seriozisht në skenë duke pësuar fraktura në pjesë të ndryshme të trupit, madje edhe duke përfunduar në koma.

Xheki e vazhdoi karrierën e tij kinematografike edhe në ShBA me filmat The Cannonball Run në vitin 1980, Mbrojtësi etj. Megjithatë ai do të fitonte famë jashtë Azisë vetëm mbas filmit Super Polici i vitit 1985. Filmi i vitit 1995, Tërmet në Bronks do i jepte atij famë të mëtejshme në Amerikën e Veriut e më gjerë [ref. 1].