Ketri
Përmbajtja |
[redakto] Gjatësia
18-25 cm, pesha : 200-500 g.
[redakto] Përshkrimi
Ngjyra e këtij brejtësi që jeton në pemë ndryshon nga e kuqe dhe gri e errët në verë, në nuanca më të errëta në dimër. Pjesa e barkut është e bardhë. Një specie e ngjashme është ketri ngjyrë gri (Sciurus carolinensis), i cili dallohet për ngjyrën e tij të hirtë. Ky i fundit është futur në Britaninë e Madhe dhe në Irlandë dhe tashmë po përhapet edhe në Evropën kontinentale.
[redakto] Statusi
Jo i rrezikuar
[redakto] Përhapja dhe habitati
Takohet në zonat e pyllëzuara në të gjithë Evropën dhe në Azinë Veriore. Ketri parapëlqen pyjet halore, por jeton edhe në pyjet gjetherënës, në pyje të përziera, në parqe dhe në kopshte.
[redakto] Ushqimi
Ushqehet kryesisht me fara dhe fruta drurësh, sythe dhe kërpudha. Herë pas here, ha edhe zogj të vegjël dhe vezë. Rezervat ushqimore që grumbullon i ruan në vende të ndryshme, çka e bën ketrin një specie të rëndësishme në proceset e ripyllëzimeve.
[redakto] Sjellja
Është aktiv kryesisht në agim dhe muzg. Pjesën më të madhe të kohës e kalon në pemë, por zbret edhe në tokë.
[redakto] Riprodhimi
Ndërton fole sferike ku femrat pjellin deri në dy herë në vit. 2-4 të vegjlit që lindin e lënë folenë pas afro 7 javësh.
[redakto] Zëri
Tingulli më i zakonshëm i ketrit është “çak-çak-çak”.
