Kori Bizantin ''Shën Joan Kukzeli''

Kori Bizantin ''Shën Joan Kukzeli''
Instrument(et)	vokal

Kori bizantin i psaltëve “shën Joan Kukuzeli” është formacion koral që interpreton muzik bizantine në Kishën Orthodhokse Autoqefale të Shqipërisë. Kori bën pjesë tek jeta adhuruese e komunitetit orthodhoks në Tiranë dhe interpreton tek katedralja orthodhokse "Ngjallja e Krishtit". Drejtuesi i tanishëm është Theodhor Peci

Historiku i korit

Kori bizantin i psaltëve “shën Joan Kukuzeli” u themelua me bekimin e Fortlumturisë së tij, Kryepiskopit Anastas në vitin 1998 dhe u drejtua me përkushtim nga arkimandrit Justin Anthimiadhi. Ndërsa prej shtatorit të vitit 2011 mësuesi dhe drejtuesi i korit është Theodhor Peci, njëkohësisht, drejtor i Shkollës së Muzikës Bizantine, e para në historinë e Kishës Orthodhokse Autoqefale të Shqipërisë e ngritur në Tiranë.

Qellimi i Korit

Kori përbëhet nga 20-30 psaltë të formuar në Shkollën e Muzikës Bizantine që përpiqen të himnojnë Perëndinë me besim dhe me artin e tyre profesional! Qëllimi i korit është kryerja me profesionalizëm e shërbesave lutëse të Adhurimit Hyjnor por gjithashtu ruajtja, përhapja dhe promovimi i Muzikës Bizantine, si vazhdimësi tradicionale e trashëgimisë kulturore, artistike dhe shpirtërore të Shqipërisë.

Aktivitetet e Korit

Aktiviteti i korit është përqëndruar jo vetëm përgjatë shërbesave kryesore që kryen rregullisht çdo të dielë dhe festave të tjera gjatë javës në katedralen e re “ Ngjallja e Krishtit” në Tiranë por dhe në koncerte, spektakle, evenimente të panumërta në institucionet më të larta kulturore dhe kishtare në vend si dhe në mjaft shfaqje jashtë vendit.