Mihrije Braha

Mirhije Braha
Emri i lindjes	Mihrije Braha
Lindi	15 11 1967
Prejardhja	Mitrovicë
Zhanret	Pop
Profesioni	Këngëtare
Instrumenti	Vokal
Vitet aktive	1984-85

Mihrije Braha lindi në Mitrovicë më 15 nëntor 1967. Është këngëtare e famshme dhe e njohur për këngët popullore dhe argëtuese. Ajo është e martuar me këngëtarin e njohur Naim Abazi i cili është dhe udhëheqës i show-t televiziv ''Odeon''. Mihrije Braha ka nxjerrë shumë albume dhe hite muzikore dhe vazhdon të gjejë audiencë që e pëlqen dhe adhuron në krijimtarinë e saj muzikore.

Karriera

Mihrije Braha njihet për kthesat e mëdha që ka bërë në pamjen e saj, në rrymat muzikore dhe gjithçka sa i përket anës vizuale. Më herët qarkulluan fjalë se mes Mihrijes dhe Naimit kishte një krizë e cila po përjetohej keq. E pyetur rreth kësaj çështjeje, ajo u përgjigj mjaft e bindur: "Janë vetëm thashetheme. Një artist gjithmonë është aktual dhe kur arrin përtej kulminacionit, del dikush të flasë diçka jo të mirë për të. Madje mund të them se fakti që dukem bukur është edhe meritë e Naimit. Jam një femër me fat që e kam."

Angazhimi shoqëror

Ajo e di që në Kosovë nuk ka barazi gjinore, dhe nuk pret që me kalimin e kohës meshkujt të bëjnë ndonjë mrekulli. “Është femra ajo që duhet të jetë më e guximshme, ta thotë dhe ta bëjë atë që do dhe për të cilën ka të drejtë. Femrat nuk duhet të presin që gjithmonë të arrijnë diçka vetëm me përkrahjen e meshkujve, duhet të kenë më shumë siguri, sepse mund të arrijnë më shumë”, u bën thirrje Mihrija atyre femrave që jetën e kalojnë nën hijen e burrit. Gjithsesi, në fund ajo nuk heziton të thotë sërish se në familjen e saj të gjithë janë të barabartë, dhe kjo si rezultat i edukatës familjare.