Rrethi

Nga Wikipedia, enciklopedia e lirë
Shko te: navigacion, kërko
Rrethi

Rrethi është një vijë e lakuar e mbyllur ku çdo pikë e kësaj vije ka largesë të barabartë nga një pikë që quhet qendra e rrethit. Largesa ndërmjet një pike në rreth me qendrën e tij quhet rreze, ndërsa segmenti që bashkon dy pika të një rrethi dhe që kalon nëpër qendër quhet diametër. Korda është segmenti që bashkon dy pika çfarëdo të një rrethi; korda më e gjatë është diametri.

Perimetri[redakto | redakto tekstin burimor]

Perimetri i rrethit është sa dyfishi i prodhimit të rrezes me pi-në ( \pi ) dhe gjendet me formulën e mëposhtme:

P = 2\pi r = \pi d\,

ku  \pi është një numër i pafundëm joperiodik, por merret me afërsi 3.14.

Sipërfaqja[redakto | redakto tekstin burimor]

Sipërfaqja e rrethit gjendet duke shumëzuar pi-në me katrorin e rrezes:

S = \pi r^2\

Vetitë[redakto | redakto tekstin burimor]

  • Nëse dy korda të një rrethi janë të barabarta, atëherë ato janë njësoj të baraslarguara nga qendra e rrethit dhe anasjelltas.
  • Dy korda të barabarta të një rrethi tendosin harqe të barabarta dhe anasjelltas.
  • Diametri pingul me kordën e ndan kordën dhe harkun që ajo tendos në dy pjesë të barabarta.
  • Kur drejtëza (d) është tangjente me rrethin atëherë rrezja e rrethit është pingule me këtë drejtëz.
  • Nëse nga pika P jashtë rrethit hiqen tangjentet [PA] dhe [PB] me rrethin atëherë, [PA] = [PB].
  • Këndi qendror është këndi që ka si kulm qendrën e rrethit dhe brinjët e tij janë rreze të rrethit. Masa e harkut që formon ky kënd është e barabartë me masën e këtij këndi.
  • Këndi rrethor është këndi që e ka kulmin në një pikë të rrethit dhe brinjët e tij janë korda të rrethit. Masa e harkut që formon ky kënd është sa dyfishi i masës së këtij këndi.