Stema e Bosnjës dhe Hercegovinës

Nga Wikipedia, enciklopedia e lirë
Stema e Bosnjës dhe Hercegovinës


Stema e re e Bosnjës dhe Hercegovinës është futur në përdorim në vitin 1998 nga ish-parlamenti boshnjakë e më vonë është përdorur për stemë shtetit.

Stema në vete është një pasqyrim i flamurit të Bosnjës dhe Hercegovinës në një mburojë figurative mesjetare. Mburoja është e ndarë pjerrtas në dy pjesë të pabarabarta e të ngjyrosura, njëra në të kaltër tjetra në ngjyrë ari. Përgjatë vijës ndarëse të pjerrtë, në anën e kaltër të saj e cila është më e madhe, janë figuruar shtatë yje pesëcepësh të bardhë. Ylli i fundit dhe i pari janë përgjysmë që lë të kuptohet se është një varg yjesh. Kjo duket të jetë edhe për shkak se në flamur po ashtu figuron vargu i yjeve por ka sy yje më shumë.

Ngjyra e arit duket të simbolizojë "Diellin", si simbol i dhuruesit të dritës së nevojshme për jetën në tokë. Ndërsa prapaskena në të kaltër dhe yjet e bardhë duket të jenë huazuar nga flamuri i Bashkimit Evropian, një lloj shenje e përkatësisë apo shprehje e vullnetit të afërsisë.

1992 - 1998[Redakto | Redakto nëpërmjet kodit]

Stema 1992-1998
Stema gjatë RSFJ-së

Emblema e përdorur nga viti 1992 gjerë më 1998 ka ngjyrat dhe elementet që simbolizojnë dinastinë "Kotromaniq". Vija e trashë dhe e pjerrtë ngjyrë të bardhë që figuron në mburojë simbolizon shpatën e drejtësisë së Tvërtkos së parë, i cili thuhet të ketë arritur që nga Banati boshnjakë të ketë arritur të krijojë një mbretëri. Është për tu theksuar se me këtë simbol, pas shpërthimit të luftës së tretë në Ballkan, kanë luftuar patriotët e Bosnjës. Mirëpo pas përfundimit të luftës, edhe pse Tvërtko disi pranohet nga gjitha komunitete që jetojnë në Bosnjë e Hercegovinë, kjo stemë u kritikua si e pa përshtatshme. Kjo kritik si duket ishte kryesisht e nxitur nga elementet nacionaliste të shteteve fqinje. Si do që të jetë, edhe stema e re po ashtu kritikohet si e pa përshtatshme pasi që asnjë komunitet nuk identifikohet me të pos komunitetit të instaluar për rindërtimin e Bosnjës.

Gjatë RSFJ-së[Redakto | Redakto nëpërmjet kodit]

Gjatë periudhës së Republikës Socialiste Federative të Jugosllavisë, edhe Bosnja si shumica e republikave socialiste kishte një stemë republikane të ngjajshme me to.