Televizioni kabllor

Televizioni kabllor është një sistem i dërgimit të programit televiziv drejt konsumatorëve përmes sinjaleve të radio frekuencave, që transmetohen nëpër kabllos koaksiale, ose në sisteme më të reja, pulseve të dritës nëpër kabllot e fibrit optik. Kjo bie ndesh me televizionin tokësor, ku sinjali televiziv transmetohet nëpër ajër përmes valëve radiofonike dhe merret nga një antenë televizive e lidhur me televizionin; ose televizionin satelitor, ku sinjali televiziv transmetohet nëpër ajër përmes valëve radiofonike nga një satelit komunikimi duke u rrotulluar bashkë me Tokën, dhe merret nga një antenë parabole satelitore në kulm. Programi radiofonik FM, interneti i shpejtë, shërbime telefonike, dhe shërbime të ndryshme jotelevizive mund të ofrohen poashtu përmes këtyre kabllove. Televizioni analog ishte standard në shekullin XX, por që prej viteve 2000, sistemet kabllore u aktualizuan drejt veprimtarisë digjitale.