"Water" është një këngë nga këngëtarja jugafrikane Tyla, e publikuar përmes Fax dhe Epic Records më 28 korrik 2023 si kënga kryesore nga albumi i saj debutues EP. Kënga u bë virale me një "sfidë kërcimi" në TikTok,[1] dhe e bëri Tyla-n më jugafrikanen më të re dhe solisten e parë jugafrikane në 55 vjet që hyri në Billboard Hot 100 të SHBA-së, pas këngës së Hugh Masekela-s "Grazing in the Grass" më 1968. Kënga ka arritur në dhjetëshen e parë në Zelandën e Re, Australi, Holandë, Mbretërinë e Bashkuar, Republikën Jugafrikane, Irlandë dhe në Suedi.
Kënga fitoi vëmendje në TikTok në gusht të vitit 2023 kur Tyla filloi të postonte veten duke kërcyer me këngën me koreografi të kërcimtarit jugafrikan Litchi, ku përfshihej tundja e ijeve dhe goditja e këmbëve përpara se të derdhë ujë në shpinë në të njëjtën kohë me tekstin "Make me sweat, make me hotter, make me lose my breath, make me water [shqip: Më bëj të djersitem, më bëj më të nxehtë, më bëj të humbas frymën, më bëj ujë]”.
"Water" u bë kënga e parë e Tyla-s që hyri në tabelën e këngëve në Mbretërinë e Bashkuar, ku hyri në top 10 në tetor 2023.[2] Kënga debutoi në pozitën 67 në Billboard Hot 100 të SHBA-së në tabelën e datës 14 tetor 2023, duke u bërë kënga e parë e këngëtares në tabelë. Ajo u bë solistja më e re e Afrikës së Jugut dhe e solistja e parë jugafrikane në 55 vjet që hyn në Hot 100, pas "Grazing in the Gras" të Hugh Masekela në vitin 1968.[3]
