Wikipedia:Rregullat e bllokimit

Nga Wikipedia, enciklopedia e lirë
Shko te: navigacion, kërko

Arsyet për bllokim[redakto | redakto tekstin burimor]

Administruesit e projektit mund të bllokojnë përdorues apo IP adresa nëse vazhdojnë të kryejnë aktet e mëposhtme. Duhet pasur parasysh se aktet e mëposhtme nuk duhen mbajtur si pretekste për përndjekjen e përdoruesve, por vetëm si arsye për të ruajtur projektin. Përdorues të rinj edhe mund te thyejnë rregullat ngaqe nuk i dijnë ato, por nëse ata vazhdojnë thyerjen edhe pas paralajmërimeve mund të bllokohen nga redaktimi me afat të përshtatshëm sipas akteve. Këto rregulla nuk janë shkruar nga avokatë dhe projekti nuk është një gjyq prandaj përdorues që kërkojnë të grinden apo të bëjnë provokime pa pasur si qëllim mbarëvajtjen e projektit nuk do të përfillen. Diskutimet nëse kanë të bëjnë me një faqe duhen bërë tek faqja e diskutimit përkatëse, por diskutimet e përgjithshme mund të bëhen tek Kuvendi.

Mosndjekje të të drejtave të autorit[redakto | redakto tekstin burimor]

Projekti pranon vetëm vepra të cilat janë liçensuar nën GFDL apo liçensa të tjera të përputhshme. Gjithashtu nuk duhet të jepni veprat e të tjerëve sikur të ishin tuajat, por duhet të caktoni prejardhjen në përputhje me rregullat i liçensës. Lexoni të drejtat e autorit për më tepër.

Vandalizma[redakto | redakto tekstin burimor]

Vandalizmat janë redaktime apo krijime faqesh që nuk kanë të bëjnë me synimin e projektit për krijuar një enciklopedi të lirë.

Kërcënime apo fyerje[redakto | redakto tekstin burimor]

Përdoruesit duhet të sillen mirë me njeri tjetrin dhe nuk duhet të kërcënojnë apo të bëjnë fyerje personale.

Rikthime të shpeshta[redakto | redakto tekstin burimor]

Rikthimet e shpeshta të artikujve në një gjëndje të mëparshme pa dhënë arsye dhe pa diskutuar me redaktuesit e tjerë është një prishje e harmonisë së projektit. Kuptohet qe ndreqja e vandalizmave të thjeshta nuk bën pjesë këtu.

Paraqitje e të dhënave vetjake[redakto | redakto tekstin burimor]

Projekti mbron dëshirat e përdoruesve për të mbetur anonim dhe nuk duhet të jepni të dhëna vetjake të përdoruesve të tjerë pa pasur lejen e tyre.

Përdorimi i emrave të papërshtatshëm[redakto | redakto tekstin burimor]

Nuk lejohet përdorimi i llogarive nën emra fyerës ose të pahijshëm.

Provokimi i bashkësisë[redakto | redakto tekstin burimor]

Përdoruesit nuk duhet të vazhdojnë të provokojnë bashkësinë e përdoruesve. Ky projekt është për krijimin e një enciklopedie dhe nuk duhet shndërruar në një betejë për argumenta që nuk kanë të bëjnë me pikësynimin e projektit.

Shikoni dhe[redakto | redakto tekstin burimor]