Yoko Kanno
Yoko Kanno (菅野 よう子 Kanno Yōko?, lindur më 18 mars, 1963) është një kompozitore dhe muzikante japoneze e njohur më mirë për punën në këngët e prapavijës së filmave anime, serive televizive, filmave, video lojërave, dhe reklamave televizive. Ajo ka lindur në Sendai, Prefektura Miyagi, Japoni. Ajo ka shkruar kompozime për Cowboy Bebop, Darker than Black, Macross Plus, Turn A Gundam, The Vision of Escaflowne, Ghost in the Shell: Stand Alone Complex, Wolf's Rain, Kids on the Slope dhe Zankyō no Terror, dhe ka punuar me regjisorët Yoshiyuki Tomino, Shinichirō Watanabe dhe Shōji Kawamori.[1] Kanno ka kompozuar gjithashtu muzikë për artistët e muzikës Maaya Sakamoto dhe Kyōko Koizumi. Ajo luan në tastierë dhe është vokalistja kryesore e Seatbelts, të cilët performojnë shumë nga kompozimet dhe muzikat e Kanno.
Biografia[Redakto | Redakto nëpërmjet kodit]
Jeta e hershme[Redakto | Redakto nëpërmjet kodit]
Yoko Kanno lindi më 18 mars 1963 në Sendai, Japoni. Përvojat e saj më të hershme me muzikën vijnë nga pjesëmarrja në kishë me prindërit e saj.[2] Ajo studioi tastierë nga një moshë e re, piano në shtëpinë e saj dhe organo në kopshtin e fëmijëve. Në shkollën fillore, ajo filloi të merrte pjesë në konkurset e kompozimit, por në shkollën e mesme, Kanno filloi të interesohej më shumë në letërsi sesa në muzikë.[2]
Pas shkollës së mesme, Kanno studioj në Universitetin Waseda ku u diplomua në letërsi. Në kohën e saj të lirë, ajo do të transkriptonte muzikë për grupe të ndryshme studentësh në Waseda. Prindërit e Kanno, e kishin lejuar atë vetëm të dëgjonte muzikë klasike, dhe ishte gjatë kësaj kohe që Kanno, u njoh me ritmin nga një mik i saj që luante bateri në një grup shkollor.
Jeta profesionale[Redakto | Redakto nëpërmjet kodit]
Temat e prapavijave muzikore të Yoko Kanno përfshijnë "Kiseki no Umi" (Lodoss War), "Voices" (Macross Plus), "Tank!" (Cowboy Bebop), "Yakusoku wa Iranai" (Escaflowne), "Gravity" (Wolf's Rain), "Inner Universe" (Ghost in the Shell: Stand Alone Complex) dhe Ghost in the Shell: Stand Alone Complex O.S.T.
Ajo ishte anëtarja kryesore e grupit të quajtur Seatbelts, i cili u riorganizua në vitin 2004 për të kompozuar prapavijën muzikore të video lojës Cowboy Bebop të PlayStation 2, e lëshuar në Japoni në vitin 2005.
Referime[Redakto | Redakto nëpërmjet kodit]
- ^ "Production IG Interview with Yoko Kanno for Ghost in the Shell: SAC". Productionig.com. 20 mars 1966. Marrë më 10 shtator 2011.
{{cite web}}: Mungon ose është bosh parametri|language=(Ndihmë!) - ^ a b "Red Bull Music Academy Daily". daily.redbullmusicacademy.com. Marrë më 2017-11-09.
{{cite web}}: Mungon ose është bosh parametri|language=(Ndihmë!)
Lidhje të jashtme[Redakto | Redakto nëpërmjet kodit]
- Yoko Kanno Network (Japanese fan website)
- Yoko Kanno discography at VGMdb
- Yoko Kanno tek IMDb
- Nippop Profile |Yoko Kanno
- Jmusic.fr.tc biografia dhe diskografia (frëngjisht)
- Projekti Yoko Kanno Arkivuar 12 korrik 2016 tek Wayback Machine
- Yoko Kanno[lidhje e vdekur][lidhje e vdekur] në Media Arts Database (japonisht)