Dioqeza

Dioqeza (greq. διοίκησις, dhikisis = drejtim, qeverisje) në kishën katolike dhe në kisha të tjera është një pjesë e kufizuar trojesh e bashkësisë së krishterë që i është besuar qeverisjes baritore të një ipeshkvi. Meqë dioqeza drejtohet nga një ipeshkv, ajo quhet edhe Ipeshkëvi. Në Shqipërinë e mesjetës dioqezat apo ipeshkëvitë quheshin peshkopata. Në kishën katolike një dioqezë e rëndësishme quhet kryedioqezë apo kryipeshkvi (zakonisht për shkak të madhësisë dhe rëndësisë historike, apo edhe të dyja), dhe drejtohet nga kryipeshkvi. Kryipeshkvitë katolike shqiptare janë ajo e Shkodër-Pultit me Ipeshkëvinë e Lezhës, Ipeshkëvinë e Sapës, Ipeshkëvinë e Rrëshenit dhe Ipeshkëvinë e Pultit, dhe Kryeipeshkëvinë e Tiranë-Durrësit e cila ka nën administrim apostolik jugun e Shqipërisë. Në vitin 2003, në botë numëroheshin rreth 569 kryipeshkvi katolike romake dhe 2014 dioqeza (ipeshkëvi).

Artikuj ndërlidhës

• Ipeshkëvia
• Lista e dioqezave shqiptare
• Kryedioqezat shqiptare

Lidhje të jashtme

• (Anglisht) Enciklopedia katolike në linjë: Dioqezat.