Festivali ''Kur vjen pranvera'' në RTSH

Karta e titullit nga sekuenca filluese e festivalit në vitin 1987

Festivali Kur vjen pranvera, njohur ndryshe edhe si Koncerti i pranverës, është një edicion muzikor bazuar në muzikën e lehtë shqiptare. Kundrejt Festivalit të Këngës në RTSH, ajo ka ndikuar shumë në krijimtarin dhe prezantimin e shumë këngëve të muzikës së lehtë.

Në këtë festival spikat edhe mënyra e orkestrimit, të cilës i jep diçka të veçantë që ndryshon nga festivali që mbahet në fund të çdo viti. Ndërtimi i skenës, vendosja e instrumentistëve është diçka që të tërheq. Nuk përdoret shumë formulimi i muzikës me harqe, siç bëhet me atë të fetivalit në RTSH, por përdoren ato që përshtaten më tepër me atë të muzikës së lehtë.

Historiku

Shënim: Përmbledhjet, këngët pjesëmarrëse të secilit edicion, fituesit nga edicioni 1985 deri 1990, këtu e kudo që t'i lexoni, janë hedhur nga Jozef Zamputti që i ka të regjistruara direkt nga transmetimi së bashku me Festivalet e këngës në RTSH.

Kur vjen pranvera - 31.3.1985

Koncertet e Pranverës filluan këtë vit (1985). Ishte gjithmonë vetëm një natë, votohej nga dëgjuesit e shikuesit dhe, mbas disa ditësh shpallej në radio-televizion kënga fituese. Nuk kishte çmime të dyta e të treta. Për çudi, koncerti u titullua "Kur vjen pranvera", kur të njëjtin titull kishte pasur kënga fituese e Festivalit të 11-të, aq të kritikuar, të dënuar e të ndaluar. Koncerti i këtij viti u mbajt më 31.3.1985, morën pjesë 22 këngë. Kënga fituese u shpall në lajmet e fundit të datës 10.4.1985, disa orë para se të shpallej vdekja e E. Hoxhes. Kam mungesa ose pasaktesira në disa emra, prandaj kush të ketë mundësi le t'i plotësojë ose t'i ndreqë. Prezantoi Rezana Celiku.

Kënga fituese 1985

• "Në duart e nënës"- muzika Gjergj Leka, teksti Zhuliana Jorganxhi

.

Këngët pjesëmarrëse 1985

Rradha e prezantimit	Titulli i këngës	Muzika	Teksti	Interpretuesi
1	Dita e parë e lirisë	Klement Marku	Ruzhdi Qatipi	Miga Hysi
2	I hap udhë lumturisë	Rexhep Hasimi	Bandilli	Gëzim Çela
3	Nëna të përkund	Kolec Gajtani	Alfred çapaliku	Afërdita Laçi
4	Ylli i marsit	Tasim Hoshafi	Adelina Mamaqi	Jolanda Dhamo
5	Jeta që ndërtojmë	Vangjo Nova	Betim Muço	Tonin Tërshana
6	Toka ime, tokë agimesh	Tish Daija	Bardhyl Londo	Kozma Dushi
7	Udhët e bukura të fëmijërisë	Mamaqi	Nemërçka	Lindita Theodhori
8	Hapi fletët o zambak	Dorian Nini	Popullor	Irma Libohova
9	Erdhën dallandyshet	Gazmend Mullahi	Betim Muço	Liliana Kondakçi
10	Në duart e nënës	Gjergj Leka	Zhuliana Jorganxhi	Bashkim Alibali
11	Gol, bukur, gol	Agim Prodani	Teodor Laço	Ema Qazimi
12	Partizani dhe fëmija	Dino	Rustemi	Jolanda Dhamo
13	Përkrah në jetë	Valentin Veizi	Teta	Miga Hysi
14	Dhurata	David Tukiqi	Thaçi	Bashkim Alibali
15	Festa e luleve	Avni Mula	Zhuliana Jorganxhi	Irma Libohova
16	Kënga e bukur e lirisë	Buda	Gjokë Beci	Afërdita Laçi
17	Për emrin tënd mendojmë	Ferdinand Deda	Kudret Isai	Lindita Theodhori
18	Këndoj për ju	Spartak Tili	Buçpapaj	Tonin Tërshana
19	Jam maturant	Alfons Balliçi	Kudret Isai	Kozma Dushi
20	Çobani	Luan Zhegu	Adelina Mamaqi	Ema Qazimi
21	Një fjalë lumturie	Maksim Shehu	Zhuliana Jorganxhi	Luan Zhegu
22	Pranvera e jetës sonë	Vladimir Kotani	Arben Duka	Liliana Kondakçi

.

Kur vjen pranvera - 29.3.1986

Ky koncert u mbajt më 29.3.1986 dhe u prezantua nga Matilda Makoçi. Moren pjesë 22 këngë.

Kënga fituese 1986

• "Mirësevjen ditë e re" - muzika David Tukiqi, teksti Gjokë Beci

.

Këngët pjesëmarrëse 1986

Rradha e prezantimit	Titulli i këngës	Muzika	Teksti	Interpretuesi
1	Ditëlindja e madhe	Naim Gjoshi	Gjokë Beci	Anila Guxho
2	Jeta s'është vetëm një ditë	Ermir Dergjini	Gjergj Uli	Miga Hysi
3	Mes njerëzve zemërmirë	Agim Velaj	Irma Kurti	Nertila Koka
4	Në çdo stinë	Arben Shano	Etleva Karkanaqe	Kozma Dushi
5	Një zë nga bjeshkët	Tish Daija	Kongo	Mefarete Laze
6	Ti nuse më vjen sot	Gjergj Leka	Agim Doçi	Bashkim Alibali
7	Kur lulëzon bliri	Avni Mula	Osmani	Parashqevi Simaku
8	Të desha ty	Spartak Tili	Ndoc Gjetja	Afërdita Laçi
9	Kudo je ti	Osman Mula	Jorgo Papingji	Luan Zhegu
10	Karafili i zemrave	A. Avrazi	Zhuliana Jorganxhi	Tonin Tërshana
11	Pranvera vjen e gjen pranverë	Edmond Xhani	Jorgo Papingji	Ema Qazimi
12	Flamujt e aksioneve	Tasim Hoshafi	Violeta Allmuça	Parashqevi Simaku
13	Dritat e pallatit të ri	Luan Sula	Pojanaku	Anila Guxho
14	Te çdo njeri ti sjell gëzim	P.Pirro	P.Deda	Adriana Ceko
15	Marsi i parë	Ruzhdi Keraj	Rufi	Miga Hysi
16	Një sirenë përmes Mirditës	Arqile Pilkati	Bardhi	Pëllumb Elmazi
17	Eja	Flamur Shehu	Zhuliana Jorganxhi	Mefarete Laze
18	Një lule pranvere	Vladimir Kotani	Arben Duka	Nertila Koka
19	Ora e qytetit tim	Gazmend Mullahi	Xhevahir Spahiu	Lindita Theodhori
20	Mirësevjen ditë e re	David Tukiqi	Gjokë Beci	Afërdita Laçi
21	Një kitarë buzë detit	Alfons Balliçi	Kudret Isai	Kozma Dushi
22	Të duam pranverë	Ferdinand Deda	Zhuliana Jorganxhi	Bashkim Alibali

.

Kur vjen pranvera - 27.3.1987

Ky koncert u mbajt më 27.3.1987 dhe u prezantua nga A. Kanani. Morën pjesë 24 këngë. Fitorja e dytë e dyshes Leka - Jorganxhi. Per këngën aq të bukur "Rritu bir i nënës" që, në Koncert, u tha "Trio vokale", nuk i kam të shënuar emrat, por, me sa me kujtohet, janë: Mariana Leka, dhe dy kengetaret e tjera te Operes, qe perbenin "trion vokale te TOB" - ne kete menyre prezantoheshin - pra shoqerueset e solisteve. Ne kete koncert pervec funksionit shoqerues, kenduan edhe me vete, gje qe nuk kishte ndodhur me perpara, dhe as nuk u perserit me. Refrenin e kendon solo Mariana Leka. Si "trio vokale" kane marre pjese edhe ne te tjera Koncerte apo Festivale. Nese shikon ne youtube cfaredolloj videoje nga Festivali i fundvitit 1987, per shembull ate te Vaces (si e ftuar) me "Valsin e lumturise", trioja ne fjale eshte e inkuadruar shume paster duke qene pjese e rendesishme e kenges. Ne Youtube kengen "Rritu bir i nenes" e ka hedhur ne kanalin e tij autori i saj E. Shengjergji.

Kënga fituese 1987

• "Bashkëmoshatareve"- muzika Gjergj Leka, teksti Zhuliana Jorganxhi

.

Këngët pjesëmarrëse 1987

Rradha e prezantimit	Titulli i këngës	Muzika	Teskti	Interpretuesi
1	Në gjirin tënd Parti	Tusha	Klara Kodra	Irma Gurakuqi
2	Adresa e re	A. Hoxha	Petro	Eduard Jubani
3	Zgjohen ëndrrat e rinisë	Rudak Ismaili	Violeta Allmuça	Anton Joro
4	Me ju i lumtur jam	Jetmir Barbullushi	Alfred Çapaliku	Kozma Dushi
5	Edhe nje pallat i ri	Valentin Veizi	Arben Duka	Petrit Lulo
6	Bardhësi i falim tokës	Naim Gjoshi	Basri Bushkashi	Tatjana Çela
7	Kur vij nga larg	Edmond Doko	Bujar Xhaferi	Luan Manahasa
8	Dua t'u them	Demokrat Shahini	Agim Doçi	Ermira Babaliu
9	Bashkëmoshatareve	Gjergj Leka	Zhuliana Jorganxhi	Parashqevi Simaku
10	Bashkë me vitet	Osman Mula	Jorgo Papingji	Luan Zhegu
11	Kënga ime jehon	David Tukiqi	Pjerin Logoreci	Nertila Koka
12	E shtrenjta toka ime	Ardit Gjebrea	Zhuliana Jorganxhi	Liliana Kondakçi
13	Ti çdo ditë vjen i shtrenjtë për ne	Arqile Pilkati	A. Spahiu	Irma Gurakuqi
14	Po kërkon lulet pranvera	Zija Saraçi	Iliriana Sulkuqi	Petrit Lulo
15	Jam me ty rinia ime	Alfons Balliçi	Kudret Isai	Kozma Dushi
16	Rritu bir i nënës	Enver Shëngjergji	Zaho Puci	Trio vokale
17	Me hapin e jetës	Diana Ziu	Skënder Rusi	Liliana Kondakçi
18	Për ty	Arben Shano	Etleva Karkanaqe	Eduard Jubani
19	Më e bukura dhuratë	Avni Mula	Agim Doçi	Irma Libohova
20	Ditë e lumtur	Luan Zhegu	Jorgo Papingji	Miga Hysi Gëzim Çela
21	Mos vono	Spartak Tili	Agim Doçi	Andon Joro
22	Në sytë e tu	Flamur Shehu	Zhuliana Jorganxhi	Parashqevi Simaku
23	Pranë të kaltrit det	Ilir Dangëllia	Irma Kurti	Ermira Babaliu
24	Mes bukurive	Vladimir Kotani	Arben Duka	Bashkim Alibali

.

Kur vjen pranvera - 27.3.1988

Koncerti u mbajt më 27.3.1988. U prezantua nga Rita Ndoci. Morën pjesë në garë 17 këngë. Ishte një nga koncertet më moderne për atë kohë si nga përmbajtja, ekzekutimi i këngëtarëve, instrumentet moderne muzikore. Këngët u ndaluan, por jo për një kohë të gjatë, sepse po fillonin te frynin erërat e lirisë. Kënga e parë reggae: "Buzë detit jemi rritur". Në you tube është inçizimi mbas Koncertit nga dueti Parashqevi Simaku - Engjëllushe Lazo.

Kënga fituese 1988

• "Mos u nxito" - muzika Aleksandër Vezuli, teksti Alqi Boshnjaku

.

Këngët pjesëmarrëse 1988

Rradha e prezantimit	Titulli i këngës	Muzika	Teksti	Interpretuesi
1	Kur zbardh agimi	Alfons Balliçi	Porodini	Ludmilla Baballëku
2	Ju pres	Kujtim Laro	Vojsava Nelo	Adriana Ceko
3	Lajmëtarë të rinj	Enver Shëngjergji	Agim Doçi	Ermira Hajno
4	Jam djalë i ri	Hajg Zaharian	Violeta Allmuça	Luan Manahasa
5	Çasti i fundit i fëmijërisë	Tish Daija	Gaqo Apostoli	Burbuqe Rada
6	Kënga, frymëzimi im	Diana Ziu	Jorgo Papingji	Liliana Kondakçi
7	Buzë detit jemi rritur	Maksim Shehu	Gjokë Beci	Afërdita Zonja Engjëllushe Lazo
8	Mos u nxito	Aleksandër Vezuli	Alqi Boshnjaku	Anita Bitri
9	Të më vini pa trokitur	Vladimir Kotani	Arben Duka	Kozma Dushi
10	Ç't'i them vëllait	Gazmend Mullahi	Betim Muço	Nertila Koka
11	Letër malli	Ilir Dangëllia	Irma Kurti	Ermira Babaliu
12	Eja edhe ti	Naim Gjoshi	Basri Bushkashi	Tonin Tërshana
13	Ne vajzat	Gjergj Leka	Myftari	Ema Qazimi
14	Pranvera do lule shumë	Ardit Gjebrea	Zhuliana Jorganxhi	Frederik Ndoci
15	Me the të dua	Spartak Tili	Anxhaku	Parashqevi Simaku
16	Dua pranverë çdo stinë	David Tukiqi	Zhuliana Jorganxhi	Lindita Theodhori
17	Portreti ynë	Osman Mula	Agim Doçi	Luan Zhegu

.

Kur vjen pranvera - 1.4.1989

Ky koncert u mbajt më 1.4.1989. U prezantua nga Ema Ndoja. Morën pjesë 17 këngë.

Kënga fituese 1989

• "Nuk jam vetëm" - muzika Agim Krajka, teksti Zhuljana Jorganxhi

.

Këngët pjesëmarrëse 1989

Rradha e prezantimit	Titulli i këngës	Muzika	Teksti	Interpretuesi
1	Këngë pa fund je vendi im	Luan Zhegu	Agim Doçi	Mimoza Nazarko Rubin Mati
2	Lule e nusëruar	Naim Gjoshi	Basri Bushkashi	Ludmilla Baballëku
3	Zëri yt	Kaçaj	Simoni	Zef Vokrri
4	Vij nga rrugë e gjatë	Liku	Orhani	Ermira Hajno Ermal Dani
5	Mes jush dua të jetoj	Aleksandër Peçi	Betim Muço	Afërdita Zonja
6	Kur do zemra stinët ndërron	Dorian Nini	Aleksi	Jolanda Dhamo Alfred Ngjela
7	Dashuria	Gazmend Mullahi	Rudolf Marku	Robert Alia
8	Marinari	Aleksandër Vezuli	Alqi Boshnjaku	Ema Qazimi
9	E bukura rini	Ferdinand Deda	Petraq Risto	Kristaq Lena
10	Mall	Maksim Shehu	Ismail Kadare	Liliana Kondakçi
11	Ditën jetoj	Demokrat Shahini	Pojanaku	Luan Zhegu Rubin Mati
12	Netë pranverore	Osman Mula	Jorgo Papingji	Mefarete Laze
13	Nuk është lodër dashuria	Flamur Shehu	Jorgo Papingji	Irma Libohova
14	Sytë e tu	Ardit Gjebrea	Preç Zogaj	Frederik Ndoci
15	Nuk jam vetëm	Agim Krajka	Zhuliana Jorganxhi	Parashqevi Simaku
16	Emri më i bukur	Jorgji	Skender Rusi	Lindita Theodhori
17	Me ty Enver i shtrenjti komandant	Gjergj Leka	Zhuliana Jorganxhi	Manjola Nallbani

.

Kur vjen pranvera - 2.4. 1990

Ky koncert u zhvillua më 2.4.1990. U prezantua nga Jonida Veli. Morën pjesë 19 këngë. Këngë e veçantë, si për tekstin si për muzikën, që shijohet edhe sot e gjithmonë është kënga "Dy gjysma molle" me muzikë të Gazmend Mullahit dhe tekst të Musa Vyshkës (që e ka tekstin e vetëm për këngë, si në këto koncerte të pranverës, ashtu edhe në festivale). Kënga "Lulet e majit i çel ne janar", gjendet në you tube me një titull tjetër "Dashuria s'njeh sekret".

Kënga fituese 1990

• "Si ta kuptoj" - muzika Flamur Shehu, teksti Jorgo Papingji

.

Këngët pjesëmarrëse 1990

Rradha e prezantimit	Titulli i këngës	Muzika	Teksti	Interpretuesi
1	Jeta s'është një lëndinë	Ermir Dergjini	Skënder Rusi	Mimoza Nazarko
2	I flasim së ardhmes	Ilir Dangëllia	Albana Hajdini	A.Tusha - D.Jaupi K.Gjunkshi - T.Aliolli
3	Karafilat e kuq	Shkreli	Bardhyl Londo	Rezarta Përgjegjaj Gjergji Tase
4	Lulet e majit i çel ne janar	Vladimir Kotani	Arben Duka	Anila Bitri Adhurim Demiri Dashnor Diko
5	Kitaristi	Ramzoti	Ismail Kadare	Miga Hysi
6	Mall rinie	Edvin Liku	Ndoc Gjetja	Jolanda Dhamo Alfred Ngjela
7	Ç't'i bej erës	Ali Azbia	Elsa Ballauri	Adriana Ceko
8	Nuk iu zemërova pranverës	Luan Zhegu	Irma Kurti	Kozma Dushi Luan Zhegu
9	Sytë tanë nje det gëzimi	Naim Gjoshi	Basri Bushkashi	Alma Hyska
10	Mesazh lirie	Avni Mula	A. Mula	Morena Reka Gjergji Tase - E.Dule
11	Qielli i dallandysheve	Valentin Veizi	Xhevahir Spahiu	Gëzim Çela
12	Zemra të fal	Dorian Nini	Alqi Boshnjaku	Nertila Koka Genc Iliadhi Foel Grillo
13	Si ta kuptoj	Flamur Shehu	Jorgo Papingji	Irma Libohova
14	Dy gjysma molle	Gazmend Mullahi	Musa Vyshka	Robert Alia
15	Stinët e mendimeve	Spartak Tili	Elvana Hysaj	Afërdita Zonja
16	Ju duam	Pirro Çako	Agim Doçi	Redon Makashi Bledar Sejko
17	Dëgjoma këngën	Agim Krajka	Zhuliana Jorganxhi	Parashqevi Simaku
18	Bisedë me ty	Osman Mula	Hysni Milloshi	Ermira Babaliu
19	Ne bijt e lirisë	Gjergj Leka	Zhuliana Jorganxhi	Frederik Ndoci