Filip Noga
Filip Noga | |
|---|---|
| Ministër i Financave | |
| Në detyrë 28 maj – 3 shtator, 1914 | |
| Paraprirë nga | Gaqo Adhamidhi |
| Pasuar nga | Nexhat Libohova |
| Të dhëna vetjake | |
| U lind më | 1868 Shirokë, Vilajeti i Shkodrës, Perandoria Osmane |
| Vdiq më | 1917 Raguzë, Perandoria Austro-Hungareze |
| Nënshtetësia | Shqiptar |
| Punësimi | mësues, gazetar, diplomat |
Filip Noga (Shirokë, 1868 - Raguzë, 1917) i njohur edhe si Philippe Nogga, ka qenë veprimtar i çështjes kombëtare dhe ministër i shtetit shqiptar.
Biografia
[Redakto | Redakto nëpërmjet kodit]U lind në Shirokë më 1868, i biri i Pashko Nogës. Tetë vjeç u shpërngulën si familje dhe Filipi u rrit në Stamboll, ku kreu një shkollë franceze. I vlerësuar në jetën shoqërore të kryeqytetit perandorak, punoi mësues frëngjishteje në familjen e Sadrazemit, Ferid Pashës.[1]
Bashkëpunoi me fletoren kryeqytetase "La Turquie" ku shkroi në gjuhën frënge artikuj për të mbrojtur lëvizjen e Kosovës. Pas Hyrrijetit më 1908 dhe abdikimit të Sulltan Abdyl Hamitit II, ndihmoi gjallërisht Ismail Qemalin, Kristo Meksin dhe të tjerë.[1]
Më 1913 së bashku me Mehmet bej Konicën dhe Rasih bej Dinon, ishte pjesë e delegacionit shqiptar në Konferencën e Londrës,[1] dhe më pas prej në Berlin përpiqej të ulte tonet e alarmit përballë Fuqive të Mëdha, duke mohuar se Ismail Qemali apo Esad Pasha të kishin pasur gisht në komplotin e Beqir Grebenasë.[2] Më 1914 në qeverinë e Turhan pashë Përmetit, emërohet ministër i Financave. U largua nga Shqipëria pas rrethanave që lindën me Kryengritjen e Shqipërisë së Mesme, për shkak të së cilës iu dogj biblioteka dhe dorëshkrimet e veta.[1] Aubrey Herbert, që kish udhëtuar me të, e përshkruante "gjuhëtar dhe muzikant". Ndërroi jetë më 1917 gjatë një udhëtimi në Raguzë.[3][4]
Eshtrat iu sollën në atdhe 13 vjet pas vdekjes prej të shoqes, duke zbatuar kështu vullnetin e tij të fundëm.[1]
Referime
[Redakto | Redakto nëpërmjet kodit]- ^ a b c d e Koliqi, Ernest (1931). "Filip Noga". bibliotekashkoder.com. Hylli i Dritës vjeti VII, nr. 1. fq. 46–48. Arkivuar nga origjinali më 2 maj 2018. Marrë më 19 prill 2018.
{{cite web}}: Mungon ose është bosh parametri|language=(Ndihmë!) - ^ Ikonomi, Ilir (2016). Esat pashë Toptani: njeriu, lufta, pushteti. Tiranë: Uet press. fq. 240. ISBN 978-9928-190-91-8.
{{cite book}}: Mungon ose është bosh parametri|language=(Ndihmë!) - ^ Album Historik Kushtuar Ministrave Te Financave Ne Vite. Ministria e Financave. ISBN 999-27-857-2-1.
{{cite book}}: Mungon ose është bosh parametri|language=(Ndihmë!) - ^ Robert Elsie (2012), A Biographical Dictionary of Albanian History, I.B.Tauris, fq. 333, ISBN 978-1780764313
{{citation}}: Mungon ose është bosh parametri|language=(Ndihmë!)