Mina Çaushi

Mina Çaushi lindi më 28 janar 1954 në Tiranë, është shkrimtare shqiptare.

Biografia

Është arsimuar në Kamëz e në Tiranë. Në vitin 1979 u përjashtua nga radhët e Partisë së Punës për shkak të ideve të saj demokratike.

Ka filluar të shkruajë poezi që në vitin 1970, por, për shkak të bindjeve, krijimet e saj e panë dritën e botimit vetëm pas vitit 1990, kur u rrëzua sistemi diktatorial dhe u vendos demokracia në vendin tonë.

Mina që nga viti 1993 u largua familjarisht nga Shqipëria si emigrante ekonomike dhe është vendosur në Greqi, në Athinë. Ka kryer disa specializime. Është anëtare e Organizatës Europiane për të Drejtat e Grave.

Në vitin 1999 ishte bashkautore e librit “Metanastes stin Elladha”, botuar në Athinë, me shkrime për shqiptarët jashtë atdheut. Në vitin 2003 botoi për herë të parë vëllimin e saj poetik “Pikëllimi” dhe në vitin 2004 vazhdoi botimet me librin e dytë poetik “Album familjar”. Në vitin 2005 botoi vëllimin poetik “Pu tha me vris” (“Ku do më gjesh”) në gjuhën greke. Në vitin 2006 botoi librin poetik “Rrezatimi i copave të pasqyrës” që do të pasohej me botime të tjera në poezi, prozë e publicistikë.

Është korrespodente e revistës “Krahu i shqiponjës”. Me shkrimet e saj sjell në faqet e kësaj reviste jetën e vështirë të mërgimtarëve shqiptarë, intelektin dhe aftësinë e tyre për të mbijetuar në dheun e huaj, sidomos të grave e vajzave shqiptare.

Është anëtare e Lidhjes së Shkrimtarëve dhe Artistëve të Shqipërisë.

Tituj të veprave

“Pikëllimi”, poezi, Athinë, 2003
“Album familjar”, poezi, Athinë, 2004
“Pu tha me vris” (“Ku do më gjesh”), poezi, Athinë, 2005, ISBN 960-408-040-7
“Rrezatimi i copave të pasqyrës”, poezi, Athinë, 2006, ISBN 960-408-053-9
“Pikëllim familjar”, poezi, Shtëpia Botuese “Bilal Xhaferri”, Tiranë, 2006, ISBN 99927-960-7-3

Lidhje të jashtme