Robert Gajda
Robert Gajda Komisioner për Mbrojtjen nga Diskriminimi | |
|---|---|
| U lind në | 19 korrik 1983, Elbasan |
| Profesioni | Jurist |
| Vite aktiviteti | Që prej prillit 2018 |
Vepra të shquara | |
Robert Gajda (19 korrik 1983) ka lindur në Elbasan. Ai është komisioner për Mbrojtjen nga Diskriminimi në Shqipëri. [1]
Edukimi[Redakto | Redakto nëpërmjet kodit]
Ka studiuar për juridik në Universitetin e Pizës, Itali, në vitet 2010. Në qershori të 2015-ës, u doktorua në Drejtësi Kushtetuese dhe të Drejtat e Njeriut në Universitetin e Pizës, me temë “Rekursi individual kushtetues në rendin juridik shqiptar”.
Jeta profesionale[Redakto | Redakto nëpërmjet kodit]
Nga dhjetori i vitit 2012 deri në prill të 2018-ës, Roberti punoi si pedagog me kohë të plotë në lëndët: E Drejta Publike dhe Kushtetuese, Filozofia e të Drejtës dhe Administrative e Posaçme, në programin Shkenca Juridike, pranë Universitetit të Elbasanit “Aleksandër Xhuvani”. [2] Më 5 prill 2018, ai u përzgjodh nga kuvendi i Shqipërisë si Komisioner për Mbrojtjen nga Diskriminimi.[3]
Në 2014-ën, ai u bë mbrojtës i studentëve në Fakultetin Ekonomik të Universitetit të Elbasanit. Ndërsa në 2016-ën u zgjodh senator në Senatin Akademik pranë Universitetit të Elbasanit.
Ka shkruar një cikël leksionesh për të Drejtën Publike dhe një monografi me titull: Il ricorso diretto dei singoli nell’ordinamento albanese. Aspetti comparativi, Bonomo Editore, Bolonja, 2017.
Ka bashkëpunuar me organizata të ndryshme të shoqërisë civile sidomos në lidhje me njohjen dhe promovimin e të drejtave të njeriut si lektor, trajnues, organizues i klinikave ligjore dhe bashkëpunëtor në studime konkrete.
Aktivizmi[Redakto | Redakto nëpërmjet kodit]
Roberti gjithashtu përfshihet si aktivist së bashku me intelektualë, studentë, qytetarë, OJF për të përkrahuar nismat qytetare.
Lidhje të jashtme[Redakto | Redakto nëpërmjet kodit]
Referime[Redakto | Redakto nëpërmjet kodit]
- ^ "Komisioneri për Mbrojtjen nga Diskriminimi". kmd.al.
- ^ "FAKULTETI EKONOMIK - Departamenti i Financë-Kontabilitetit". uniel.ems.al.
- ^ "Zgjidhet Komisioneri i ri i Anti-Diskriminimit/ Kuvendi rrëzon kandidaturën e shoqërisë civile". Shqiptarja.com. 5 prill 2018.