Sabah (gazetë)
 Sabah, mesin e gazetave tjera | |
| Lloji | Gazetë ditore |
|---|---|
| Formati | Berliner |
| Pronar(ë) | Turkuvaz Media Group |
| Themelues(it) | Dinç Bilgin |
| Botuesi | Kalyon Group |
| Kryeredaktor | Erdal Şafak |
| Redaktor bashkëpuntor | Metin Yüksel |
| Themeluar | 22 prill 1985 |
| Prirjet politike | Pro-qeverisë Konservatorizmi social Krahu i djathtë |
| Gjuhë(t) | Turqisht |
| Selia | Beşiktaş |
| Qarkullimi |  305.714 |
| Gazetat motra | Yeni Asır, Takvim, Fotomaç |
| Faqja zyrtare | Faqja zyrtare |
| Shteti | Turqi |
| Qyteti | Stamboll |
Sabah është një gazetë e përditshme turke, me një tirazh prej rreth 330,000 që nga viti 2011. Emri i saj do të thotë "mëngjes" në arabisht. Gazeta u themelua në Izmir nga Dinç Bilgin më 22 prill 1985.
Në vitin 2007, qeveria e kryeministrit turk Rexhep Taip Erdoan kapi gazetën, duke cituar një dokument ligjor që nuk u ishte zbuluar autoriteteve kur Sabah u shit më 2001. Pronësia e gazetës iu dha Fondit të Sigurimit të Depozitave të Kursimeve të Turqisë. Disa nga stafi i gazetës u pushuan nga puna, dhe gazeta u shit më pas në Turkuvaz Media Group që i përkiste Çalık Holding, drejtori ekzekutiv i të cilit, Berat Albajrak, është dhëndri i Erdoanit dhe kryetari i të cilit, Ahmet Çalık, është përshkruar si një "bashkëpunëtor i ngushtë" i Erdoanit.[1] Shitja prej 1.1 miliardë dollarësh ngjalli polemikë thelbësore në Turqi, jo më pak sepse u financua pjesërisht nga 750 milion dollarë hua nga dy banka shtetërore, VakıfBank dhe Halkbank, dhe u shit për çmimin minimal, me Çalık Holding ofertuesin e vetëm.
Sipas Aslı Aydıntaşbaş, i cili ishte shefi i zyrës së Sabah në Ankara deri në marrjen e pushtetit, që nga ajo kohë gazeta mori "një linjë të palëkundur pro-qeveritare".
Kalyon Group mori gazetën në vitin 2013.[2]
Kalyon Group është botuesi aktual, ndërsa Erdal Şafak është kryeredaktori.[3]
Sabah ka botuar The New York Times International Weekly të dielën që nga viti 2009. Kjo shtesë me 8 faqe përmban një përzgjedhje artikujsh nga The New York Times të përkthyera në turqisht. Partneriteti me New York Times u ndërpre më 2014 pa dhënë ndonjë shpjegim zyrtar.
Referime[Redakto | Redakto nëpërmjet kodit]
- ^ The Economist, 8 maj 2008, Circulation wars
- ^ "Turkish media group Sabah-ATV sold to Kalyon group" (në anglisht). Marrë më 6 gusht 2014.
- ^ "Künye". Sabah (në turqisht). Marrë më 15 korrik 2011.