Genc Pollo

Nga Wikipedia, enciklopedia e lirë
Shko te: navigacion, kërko
Genc Pollo
Genc Pollo
Deputet i Kuvendit të Shqipërisë
1996 – Vazhdon
Ministër për Inovacionin dhe Teknologjinë e Informacionit dhe të Komunikimit
Të dhënat personale
Lindi më: 1963
Lindi në: Tiranë
Kombësia: Shqiptar
Profesioni: Politikan
Partia politike: Partia Demokratike



Genc Pollo (lindur 1963) është politikan shqiptar, deputet i Partisë DemokratikeKuvendin e Shqipërisë.

Në zgjedhjet e përgjithshme të qershorit 2009, të cilat rikonfirmuan Partinë Demokratike dhe kualicionin qeveritar, z. Genc Pollo u rizgjodh deputet i Kuvendit të Shqipërisë dhe në qeverinë e re që doli nga këto zgjedhje u emërua Ministër për Inovacionin dhe Teknologjinë e Komunikimit e të Informacionit. Në qeverinë e mëparshme, z. Pollo kishte pozicionin e zëvendëskryeministrit për një vit, (2008-2009) [1] dhe, para këtij pozicioni, atë të Ministrit të Arsimit dhe Shkencës (2005-2008).

Pollo ka lindur në 1963 në Tiranë. Pasi u diplomua për studime historike në Universitetin e Tiranës, në vitin 1986, ai punoi si studiues në Akademinë e Shkencave të Shqipërisë për dy vjet, duke ndjekur më pas studimet pasuniversitare në Universitetin e Vjenës, në sajë të një bursë të dhënë nga qeveria austriake. [Citim i duhur]

Z. Pollo ka marrë pjesë aktivisht në themelimin e Partisë Demokratike të Shqipërisë, e para parti pro-perëndimore në politikën shqiptare, e cila ftoi zgjedhjet e para të lira dhe të ndershme, pas një sundimi të gjatë të komunistëve në vend. Gjatë viteve 1992-1996 ai shërbeu si këshilltar i Sali Berishës, atëherë President i Shqipërisë Pollo ka treguar performancë të lartë në lidhje me arsimin, punët e jashtme dhe integrimin evropian të vendit. Në vitin 2001 ai krijoi Partinë Demokrate të Re, e cila u rreshtua përkrah kualicionit të qendrës së djathtë në zgjedhjet e përgjithshme të verës së 2005, vit prej të cilit Partia Demokrate e Re u bashkua me Partinë Demokratike. Në qeverinë e dalë prej këtyre zgjedhjeve, z. Pollo mori portofolin e Ministrit të Arsimit dhe Shkencës, duke shpallur kështu arsimin si prioritet kryesor të shumicës së re qeverisëse dhe duke dyfishuar shpenzimet për arsimin.

Gjatë kësaj kohe, z. Pollo realizoi reforma të thella në arsim, të cilat synuan rifitimin e besimit të humbur të publikut në sistemin e arsimit, duke rritur transparencën dhe korrektësinë në administratën arsimore dhe, në veçanti, modernizimin e programit mësimor, nga ulja e ngarkesës së të mësuarit automatik në mësimin e integruar me metoda bashkëkohore për të inkurajuar të menduarin kritik. Ministria e Arsimit dhe Shkencës, nën udhëheqjen e z. Pollo ka iniciuar reforma mjaft të rëndësishme, duke përfshirë zbatimin e suksesshëm të provimit kombëtar të shkollave të mesme (matura shtetërore – bazë për pranimin në universitet) dhe në vitin 2006 u arrit të liberalizohej tregu i teksteve të shkollave dhe u fut një politikë e re në pagat e arsimtarëve, bazuar në nevojat e tregut dhe të meritës së gjithsecilit.

Z. Pollo, gjithashtu, ka ndërmarrë reforma të thella në reformimin e mëtejshëm të arsimit të lartë, rritjen e aksesit dhe përmirësimin e cilësisë.

Genc Pollo është i martuar dhe ka dy fëmijë. Ai flet rrjedhshëm katër gjuhë të huaja (anglisht, gjermanisht, frëngjisht dhe italisht).