Krimea

Nga Wikipedia, enciklopedia e lirë
Shko te: navigacion, kërko

Gadishulli i Krimesë ka një popullsi multinacionale dhe histori të gjatë pushtimi. Ka qenë gjithnjë një udhëkryq kulturor dhe vatër konfliktesh. Perandoria Ruse e aneksoi territorin e Krimesë në treçerekun e fundit të shekullit të 18-të, pas disa luftërash të përgjakshme me Perandorinë Osmane.

Në vitin 1954, një vendim i diskutueshëm i liderit sovjetik, Nikita Hrushov (ukrainas etnik) e transferoi gadishullin e Krimesë si pjesë të Republikës Sovjetike Socialiste të Ukrainës duke e hequr nga territori i Rusisë.


Krimea sot ka statusin e një republike autonome brenda Ukrainës , dhe kryeqyteti i saj është Simferopol . Është e famshëme për vreshta , pemishte , zonat arkeologjike dhe turistike , të tilla si vendpushimin bregdetar i Jaltës, ku u nënshkruan në vitin 1945 marrëveshjeve historike midis Stalinit , Roosevelt dhe Churchill.

Qyteti tjetër i Krimes është Sevastopoli, port i madh detar në Detin e Zi , në jugperëndim të gadishullit, nuk varet nga "Republika Autonome e Krimesë". Sektori i tij administrativ ka një status të veçantë brenda Ukrainës.

Në qytetin Gurzuf, një nga qendrat dhe qytetet më të bukura të Krimes, mbi 90 për qind e popullsisë ka qenë më parë shqiptare, e pranishme nga shekujt 16 deri 18, por që më pas gradualisht është zhdukur, por ka raste të rralla ku është kultivuar dhe ruajtur gjuha dhe tradita shqiptare.