Ligji Biot-Savart

Ligji Biot–Savart është një ekuacion në teorinë e elektromagnetizmit i cili përshkruan fushën e induksionit magnetik B të prodhuar nga një korrent elektrik. Fusha vektoriale B varet tek madhësia , drejtimi, distanca, dhe afërsia e pikës testuese nga rryma elektrike, si dhe nga një konstante themelore e quajtur konstantja magnetike. Ligji është i vlefshëm në përafrimin magnetostatik, i cili jep një fushë B e cila është konsistente si me ligjin e Amperit ashtu edhe me ligjin e Gausit për magnetizmin.

Një paraqitje e përgjithshme

Ligji i Biot–Savartit përdoret për të llogaritur fushën magnetike të prodhuar nga një rrjedhë e qëndrueshme e rrymës elektrike, pra, një rrjedhë e vazhduar ngarkesash, përmes një teli, e cila është konstante në kohë dhe në të cilën ngarkesa as nuk grumbullohet as nuk humbet në çdo pike. Ekuacioni jepet si me poshtë :

$d\mathbf{B} = \frac{\mu_0}{4\pi} \frac{I d\mathbf{l} \times \mathbf{\hat r}}{r^2}$

(në njësi SI), ku

$\scriptstyle{I}$ është rryma elektrike (korrenti),

$\scriptstyle{d\mathbf{l}}$ është një vektor, madhësia e të cilit është gjatësia e një elementi diferencial të telit, dhe drejtimi i së cilës është drejtimi i korrentit,

$\scriptstyle{d\mathbf{B}}$ është kontributi diferencial tek fusha magnetike i cili vjen nga një pjesë shumë e vogël e telit përcjelljes,

$\scriptstyle{\mu_0}$ është konstantja magnetike,

$\scriptstyle{\hat{\mathbf{r}}}$ është vektori njësi i zhvendosjes i drejtuar nga element i telit drejt pikës ku llogaritet fusha,

$\scriptstyle{r}$ është distanca nga elementi i telit tek pika ku llogaritet fusha,

simbolet në tekst të trashë tregojnë njësi vektoriale.

Shikoni gjithashtu

Personalitete

• Jean-Baptiste Biot
• Félix Savart
• André-Marie Ampère
• Xhejms Klark Maksuell

Elektromagnetizëm

• Ekuacionet e Maksuellit
• Ligji i Amperit
• Magnetizmi
• Ligji i Kulombit

Aerodinamika

• Vorticiteti
• Teoria e krahut te aeroplanit

Referenca

• Griffiths, David J. (1998). Introduction to Electrodynamics, 3rd ed., Prentice Hall. ISBN 0-13-805326-X. 

• Feynman, Richard (1966). The Feynman Lectures on Physics. Addison-Wesley. ISBN 0-63-20717. 

Lidhje te jashtme

• Electromagnetism, B. Crowell, Fullerton College
• MISN-0-125 The Ampere-Laplace-Biot-Savart Law (PDF file) nga Orilla McHarris dhe Peter Signell per Project PHYSNET.