Rafael Correa

Rafael Correa
Presidenti i 43-të i Ekuadorë
15 janar 2007 – 24 Maj 2017
Paraardhësi:	Alfredo Palacio
Pasardhësi:	Lenín Moreno
Të dhënat personale
Lindi më:	6 Prill 1963
Lindi në:	Guayaquil, Ekuadori
Profesioni:	Politikan
Partia politike:	PAIS
Bashkëshortja	Anne Malherbe Gosselin

Rafael Correa është një politikan dhe ekonomist ekuadorian i cili shërbeu si president i Ekuadorit nga viti 2007 deri në 2017. Correa është një socialist demokratik dhe administrata e tij u përqëndrua në zbatimin e politikave të majta.

Correa e fitoi presidencën në zgjedhjet e vitit 2006 duke kritikuar elitat. Pasi mori detyrën në janar 2007 ai u përpoq të largonte Ekuadorin nga modeli ekonomik neoliberal duke zvogëluar ndikimin e Bankës Botërore dhe e Fondit Monetar Ndërkombëtar. Ai mbikqyri miratimin e një kushtetute të re duke u rizgjedhur në 2009 dhe përsëri në 2013.

Duke përdorur formën e tij të socializmit të shekullit të XXI, administrata e Correa-s rriti shpenzimet e qeverisë, zvogëloi varfërinë, rriti pagën minimale dhe rriti standardin e jetesës së Ekuadorit. Mes viteve 2006 dhe 2016, varfëria u ul nga 36.7% në 22.5% dhe rritja vjetore e PBB ishte 1.5 përqind, krahasuar me 0.6% që ishte që prej 2 dekadave më parë. Në të njëjtën kohë, pabarazia ekonomike, e matur me koeficientin Gini, u ul nga 0.55 në 0.47. Në fund të presidencës së Korreas, një rënie me 50% e cmimit të naftës që nga viti 2014, kishte shkaktuar futjen e ekonomisë ekuadoriane në recesion, gjë që solli shkurtimin drastik të shpenzimeve qeveritare.