Parku Olimpik i Tiranës
 | |
| Vendodhja | Tiranë, Shqipëri |
|---|---|
| Koordinatat | 41°18′51″N 19°48′44″E / 41.314259°N 19.812198°E |
| Pronari | Ministria e Arsimit dhe Sportit |
| Kapaciteti | 1200 |
| Construction | |
| Broke ground | 2015 |
| Ndërtuar | 2016 |
| Hapur | 2017 |
| Çmimi i ndërtimit | €4,323,302 |
| Arkitekti | DEA Studios |
| Main contractors | Eurocol |
Parku Olimpik i Tiranës Feti Borova (Parku Olimpik “Feti Borova”) është një arenë me shumë përdorime në Tiranë, Shqipëri . Qeveria e Shqipërisë zhvilloi një tender publik për ndërtimin e një sallë sportive për të pritur ndeshjet.
Kompleksi u përurua më 4 qershor 2017 me një ndeshje basketbolli mes ish-lojtarëve të Kombëtareve të Shqipërisë dhe Kosovës . [1] Në këtë lojë morën pjesë edhe kryeministri Edi Rama dhe kryetari i Bashkisë së Tiranës, Erion Veliaj .
Parku Olimpik është ndërtuar në vendin e Kompleksit Sportiv të Agjencisë së Shërbimeve Sportive, i njohur më parë si Kompleksi Dinamo, pranë Parkut të Madh të Tiranës . Ish Kompleksi Dinamo ka qenë qendër pritjeje për qytetarët kosovarë gjatë Luftës së Kosovës në vitin 1999.
Dizajni origjinal për Parkun Olimpik u publikua më 28 Prill 2014 dhe Kryeministri Edi Rama e prezantoi zyrtarisht projektin në 'Sallën e Hartave' në Kryeministri në një takim me personalitete të shquara të sportit shqiptar, përfshirë Erkand Qerimaj, Daniel Godelli dhe Luiza Gega . [2] Më 10 shtator 2014 u miratua një buxhet prej 605,262,310 lekësh, i cili në atë kohë ishte rreth 4,323,302 euro, duke i hapur kështu rrugën kompanive për të tenderuar ofertat për ndërtimin e Parkut Olimpik. [3]