Psalmi
Psalmi apo libri i psalmeve (greq. Ψαλμοί, psalmi = këndim me harpë, nga fjala psalin = i bie një vegle muzikore me tela) është një lutje që mund të këndohet duke u shoqëruar me muzikë. Psalmi poashtu është emërtim që tregon 150 këngët fetare në Bibël në Librin e Psalmeve. Pasiqë libri përmban një mbledhje himnesh e këngësh, emërtimi psalm mund të përdoret për të treguar një këngë fetare apo një poezi lëvdimi.
Në Biblën Hebraike libri i psalmeve renditet mes Shkrimeve apo agiografëve (Ketuvim) dhe ka qenë libër lutjesh i judenjve dhe të krishterëve të hershëm.
Libri i Psalmeve, veçanërisht nëse shtypet ndamas dhe i caktuar për këndim, quhet edhe psalter. Psalter në Besëlidhjen e Vjetër quhej një vegël muzikore e cila shërbente shpesh si vegël shoqëruese gjatë këndimit të psalmeve.
Sot psalmet përdoren në liturgjinë e sinagogës judaike, në lutjen e orës në kishat katolike, ortodokse dhe anglikane, si edhe në këngët gregoriane, zakonisht edhe në liturgjinë hyrëse si lutje e përbashkët apo lutje shkëmbyese në kishat protestante.
Përmbajtja |
