Ekonomia e Italisë

Nga Wikipedia, enciklopedia e lirë
Shko te: navigacion, kërko

Pozita gjeografike e Italisë është ngushtë e lidhur me det gjatë tërë historisë, duke ushtruar ndikim të rëndësishëm dhe vendimtar në zhvillimin e saj.

Në truallin e Italisë lind Perandoria Romake e cila tregoi tërë atë fuqi dhe ndikim në një pjesë të madhe të kontinentit tonë. Shkatërrimi i saj, më vonë edhe copëtimi në shumë shtete feudale, ekonomisë së Italisë nuk i ka dhënë fuqi unike.

Italia hyn në kategorinë e shteteve të Evropës në të cilët frytet e revolucionit industrial arrijnë vonë, përkatësisht kah mesi i shekullit XIX. Derisa në shumë shtete të Evropës fillon të zvogëlohet karakteristika agrare, në strukturën e ekonomisë italiane ajo zë pozitën prioritare. Edhe dy luftërat botërore kanë ndikuar në dobësimin e saj, sidomos ajo e fundit. Pasojat kanë qenë të rënda e ato janë manifestuar në numrin gjithnjë më të madh të papunëve. Industria edhe ashtu e shkatërruar pas luftës së Dytë Botërore nuk ka mund të ofrojë shumë, e në bujqësi ndihej mungesa e tokës punuese.

Etapa më e rëndësishme e ekonomisë së Italisë fillon prej vitit 1950. Investimet e kapitalit të huaj, e në radhë të parë i SHBA-ve, i kanë mundësuar që shpejt të rinkëmbët ekonomia e shtetit. Rritja e investimeve në industri gjithnjë është shtuar, e në fund të dekadës është dyfishuar prodhimtaria industriale. Viti 1959 për Italinë ishte më i rëndësishmi, kurse dekada e kaluar si fenomen i rrallë i ekspansionit ekonomik, e cila jo vetëm që është shprehur në rritjen e prodhimtarisë industriale, por edhe në rritjen e eksportit dhe zvogëlimin e papunësisë.

Në vitin 1951 kanë qenë të inkuadruar 4,2 milion e në vitin 1072 ky numër dyfishohet, duke arritur në 8,1 milion punëtorë. Derisa vlera e prodhimtarisë industriale në vitin 1951 ka qenë 4,8 miliard dollarë, në vitin 1972 kjo vlerë pesëfishohet, duke arritur në 25,5 miliardë dollarë. Krahas këtyre ecurive, lindin gjigantët industrialë, siç janë: industria e gomave “Pireli’’, e automobilave FIAT, industria kimike “Monte catini” etj. Mirëpo, kontrastet ndërmjet veriut dhe jugut që janë shfaqur si pasojë e rrethanave të ndryshme historike, edhe pse ndihet tendenca e zvogëlimit, ende paraqesin problemin më serioz të shtetit.

Industria[redakto | redakto tekstin burimor]

Metalurgjia[redakto | redakto tekstin burimor]

Bujqësia[redakto | redakto tekstin burimor]

Transporti dhe tregëtia[redakto | redakto tekstin burimor]

Turizmi[redakto | redakto tekstin burimor]