Sehadete Doko-Mekuli
Sehadete Doko-Mekuli, ( 16 tetor 1928, Ohër, Maqedoni - 12 nëntor 2013, Prishtinë, Kosovë)[1] ishte një gjinekologe dhe pedagoge universiteti.[2]
Biografia[Redakto | Redakto nëpërmjet kodit]
Sehadete Doko-Mekuli maturoi në vitin 1947 në Ohër, studimet për mjekësi i bëri në Fakultetin e Mjekësisë në Universitetin e Shkupit në vitin 1954, specializoi për gjinekologji në Beograd ku edhe doktoraturoi në vitin 1973. Më vonë ajo filloi punën në repartin e pastaj edhe në Qendrën Klinike dhe Universitare në Prishtinë ku u dallua edhe si pedagoge e gjinekologjisë në Katedrën Gjinekologjike-Obstetrike në Universitetin e Prishtinës. Shquhet edhe si eksperte e madhe dhe grua energjike, e cila ishte ndër të parat që kundërshtoi haptas dhunën serbe në Kosovë, sidomos në shëndetësi. Personaliteti i saj ishte inspirim për karaketrin e Dr. Teuta Shkrelit në veprën Krushqit janë të ngrirë të shkrimtarit tonë të shquar Ismail Kadare.
Sehadete Doko-Mekuli ishte e martuar me poetin e shquar Esad Mekuli.
Vepra[Redakto | Redakto nëpërmjet kodit]
Sehadete Doko - Mekuli shkroi dhe botoi punime dhe vepra shkencore - profesionale, siç janë:
- Epidemiologjia e kancerit të mitrës (1965)
- Barrat e shumëfishta (1980), etj.[3]
Referime[Redakto | Redakto nëpërmjet kodit]
- ^ "Përcillet në shtëpinë e fundit Prof.dr. Sehadete Mekuli". Koha Ditore. 12 nëntor 2013. Arkivuar nga origjinali më 31 mars 2019. Marrë më 21 nëntor 2016.
- ^ Robert Elsie (15 nëntor 2010). Historical Dictionary of Kosovo. Scarecrow Press. fq. 82. ISBN 978-0-8108-7483-1.
- ^ H. Koliqi:Gruaja ndër shekuj (Arsimimi dhe emancipimi i saj), Libri shkollor, Prishtinë, 2009 fq. 355 ISBN 978-9951-07-716-3