Liberalizmi

Nga Wikipedia, enciklopedia e lirë
Shko te: navigacion, kërko

„Askush nuk mund të më detyrojë të jem i lumtur sipas mënyrës së tij, por secili ka të drejtë të kërkojë lumturinë e tij nëpërmjet rrugës që ai mendon se është e drejtë.“

Immanuel Kant


Liberalizmi është ideologji politike e lindur gjatë epokës moderne dhe bashkëkohore, e cila synon të vëjë sa më shumë kufij në fuqinë dhe ndërhyrjen e shtetit, në mënyrë që të sigurojë lirinë individuale dhe si rrjedhojë autonominë e tij kreative. Historikisht, liberalët e parë ishin ata që vepronin ose shpreheshin kundër monarkive absolute dhe privilegjeve të aristokracisë. Gjurmë në këtë ideologji kanë lënë sidomos filozofia iluministe.

Liberalizmi ka kontribuar në formimin e idesë së demokracisë moderne, e cila hedh një hap përpara demokracisë së shumicës: të drejtat individuale dhe të minorancës nuk mund të shtypen nga shumica, edhe pse është vullneti i popullit.