Loro Boriçi

Loro Boriçi është legjendë e futbollit shqiptar

Jetëshkrim

Loro Boriçi u lind më 22 gusht 1922, në qytetin e Shkodrës. Ai rridhte nga një familje e vjetër shkodrane dhe shumë e njohur në qytetin e Shkodrës. Familja përbëhej nga gjashtë fëmijë, tre djem, Marku, Loro e Pjerini, si dhe nga tri vajza, Angjelina, Margarita dhe Klarinda.

Loro Boriçi vdiq në vitin 1984, në moshën 62-vjeçare, që për një sportist mund të quhet vdekje e parakohshme. Loro vdiq nga një sëmundje e rëndë, ndonëse ishte në një moshë jo shumë të vjetër. Në sëmundjen e tij mund të ketë ndikuar shumë edhe gjendja e tij shpirtërore, por edhe cigaret e shumta që ai pinte. Mund t'i vihet shenjë gjendjes shpirtërore, pasi Lorua ishte tip shumë i ndjeshëm dhe i përjetonte thellë si momentet e gëzimit, ashtu e hidhërimit. Në fakt, për kurimin e tij jashtë vendit, gjë për të cilën në atë peiudhë kërkohej leje speciale e rezervuar për shumë pak shqiptarë, ndërhyri vetë Ramiz Alia, i cili, si shkodran që ishte, dha urdhër që Loros t'i bëheshin të gjitha përkujdesjet e mundshme për përmirësimin e shëndetit. Por, megjithëse u dërgua jashtë për kurim, ai nuk mundi të shpëtonte dot.

Ekipet ku ka luajtur

"Vllaznia": 1937-1945, 1946, 1947, 1948; "Partizani": 1949-1956; "Spartaku" i Tiranës: 1956; "Lazio": 1941-1942; "Roma": 1942-1943;

Ekipet që ka drejtuar

"Partizani" i Tiranës, "Spartaku" i Tiranës, "Flamurtari" i Vlorës, "Lokomotiva" e Durrësit, "Kombëtarja e të Rinjve", "Shpresa", "Kombëtarja e Shqipërisë", "Kombëtarja e Kinës"

Përmbledhje e ndeshjeve

Ndeshje ndërkombëtare

Ka luajtur 80 ndeshje, nga të cilat 20 i ka luajtur me ekipin e Kombëtares.

Golashënues

Ka shënuar 38 gola, që e kanë bërë të shpallet 6 herë golashënuesi më i mirë i vendit.

Trofe të fituara

Si lojtar

Titull	Sezon	Ekip
Fitues i Kampionatit Kombëtar	1945	Vllaznia e Shkodrës
Fitues i Kampionatit Ballkanik	1946	Kombëtarja e Shqipërisë
Fitues i Kampionatit Kombëtar	1949	Partizani i Tiranës
Fitues i Kampionatit Kombëtar	1954	Partizani i Tiranës
Fitues i Kupës së Republikës	1949	Partizani i Tiranës

Si trajner

Titull	Sezon	Ekip
Fitues i Kampionatit Kombëtar	1962/1963	Partizani i Tiranës
Fitues i Kampionatit Kombëtar	1963/1964	Partizani i Tiranës
Fitues i Kampionatit Kombëtar	1970/1971	Partizani i Tiranës
Fitues i Kupës së Republikës	1964	Partizani i Tiranës
Fitues i Kupës së Republikës	1966	Partizani i Tiranës
Fitues i Kupës së Republikës	1968	Partizani i Tiranës
Fitues i Kupës së Republikës	1970	Partizani i Tiranës

Tituj dhe vlerësime

Tituj sportivë

"Mjeshtër i Merituar", "Nderi i Sportit Shqiptar"

Tituj të tjerë

Urdhri "Naim Frashëri" i Klasit të Parë Urdhri i Artë "Naim Frashëri" Medalje e Argjendtë në Lojrat e Ushtrive të Lindjes (Hanoi, 1963)

Fitues i anketës "Sporti Popullor"