Bajram Curri (ansambël)

Ansambli i Folklorit Burimor “Bajram Curri” në fshatin Shurdhan, u themelua në dhjetor të vitit 1970, nga një grup entuziastësh të këngëve dhe valleve burimore të kësaj ane të Karadakut të Gjilanit. Kryetar i parë i Kuvendit të këtij Ansambli u zgjodh Hamit Aliu, valltar, i cili i mbeti besnik ansamblit deri më sot, mësues nga ky fshat, kurse kryetar i parë i Këshillit artistik u zgjodh Fadil Kadriu.

Ansambli në themelim kishte seksionin e valleve, këngëve, orkestrinën dhe grupin e lojrave dimërore, të barinjve dhe të fëmijëve.Në këtë Ansambël kontributin e vet e kanë dhënë mbi 140 antarë. Programi i këtij Ansambli ka qenë dhe është sajuar me krijimet e mendjes dhe të shpirtit të njeriut të kësaj treve, që janë krijuar këtu, e që barten brez pas brezi.

Ky Ansambël, prej themelimit e deri më tash, me sukses të jashtëzakonshëm, ka prezantuar folklorin burimor të kësaj pjese të Kosovës, në gjithë Kosovën, në teritorin e ish-Jugosllavisë, në Ballkan e më gjërë. Vlen të përmenden paraqitjet e këtij Ansambli në Ohër, Kumanovë, Beograd, Ruski Kostur-Vojvodinë, Lebanë-Serbi, Zagreb, Gjirokastër, Francë e gjetiu. Ky ansambël edhe sot vepron dhe merr pjesë në manifestime të shumta.

Repertoari

Këngët e meshkujve	Këngët e femrave	Vallet e meshkujve	Vallet e femrave	Lojëra dimërore
Isuf Hajdari Çka ka bjeshka që ushton Elez Meha Isuf Idrizi Idriz Seferi Jam nji çikë-çikë malësie Kanga e jetimes Hajde vashë dalim në bahçe, etj.	Oj Luli-oj vashë Dy mitane me kuleq Na ka dekë Zejnepja Dul Lulia te murrizi Kur shkova te kroni Përcolla dylberin Ku ke o dylber etj.	Deli Agushi Marhama Ibrahim Hoxha Vallja e Kaqakëve Fujza, Vallja e vjeter Vallja e tretë Mehmet-o bir Luhaçka Lushe djali Hasan Aga Çanakalaja Vallja e Karadakut Vallja e Gjilanit Vallja e dytë Gajdja Vallja e topallit Vallja e tokës Vallja preshevare Vallja me shuplakë Oho o Kamero, etj.	Vallja e motrës Vallja e vejushave Lulekadife Ah, mori nuse Shaho mori shoqe Oda me tavan Mori zanë Pemë-moj pemë Vallja e katërt Vallja e çikave	Loja e filxhanave Loja e Kumarës Loja e kapuçave Loja e Bletës Çap-çap Vrasim ariun Bluajmë grurin Vramja e deshëve Çka po bëjë? Ngrehja në shkop Ngrihemi në këmbë Breshka Lidhja e qenëve Shitja e grunit Cofi gomari Shitësi Bid-bidek Rueje kapuçin etj.