Deti i Kuq
Deti i kuq "Deti i kuq" është pjesë e Oqeanit Indian dhe shtrihet midis Afrikës dhe Azisë. Deti i kuq nëpërmjet Kanalit të Suezit lidhet me Detin Mesdhe, ndërsa nëpërmjet Ngushticës së Bab el Mandeb lidhet me Oqeanin Indian. Ai është rreth 2000 km i gjatë dhe rreth 300 km i gjerë. Përfshin një sipërfaqe prej 450 000 km2, ndërsa thellësia e tij maksimale arrin deri në 2211 m. Eshtë shumë i rëndësishëm për komunikimin ndërmjet Evropës dhe Afrikës Veriore me Azinë, Afrikën Lindore dhe Australinë. Ky det shquhet për një habitat të larmishëm me mbi 1000 specie ujore. Deti i kuq e merr ketë emër nga algat që i japin ngjyrën e tij të veçantë. Në brigjet e Detit të kuq kanë dalje këto shtete afrikane: Egjipti, Sudani dhe Eritreja.