Çerkin Bytyçi

Çerkin Bytyçi
Çerkin Bytyçi
Lindi	1957 (age 68–69); Hoçë, Prizren, Kosovë
Shtetësia	shqiptar
Profesioni	Shkrimtar; gazetar; publicist; mbledhës i folklorit shqiptar;

Çerkin Bytyçi (lindur në 1957) është shkrimtar, gazetar, publicist dhe mbledhës i folklorit shqiptar.

Biografia

Çerkin Bytyçi u lind në Hoçë të Qytetit (komuna e Prizrenit), në vitin 1957. Shkollën fillore e kreu në vendlindje, ndërsa të mesmen dhe shkollën e lartë pedagogjike (grupi Gjuhë dhe Letërsi Shqipe) në Prizren.

Me shkrime filloi të merrej që nga bankat e shkollës fillore, kur edhe në shtypin për fëmijë iu botuan punimet e para. Bashkëpunon me të gjitha gazetat e revistat që botohen në gjuhën shqipe. Është anëtar i Lidhjes së Shkrimtarëve të Kosovës, anëtar i Lidhjes Ndërkombëtare të Gazetarëve dhe anëtar i Lidhjes së përkthyesëve në Baden Württemberg të Gjermanisë.

Është prezantuar në Leksikonin “Shkrimtarët shqiptarë për fëmijë (1872-1995)" të përgatitur nga shkrimtari Odhise Grillo, në Leksikonin “Shkrimtarët shqiptarë 1501-2001" të përgatitur nga shkrimtari Hasan Hasani, në librin-album “Portrete shkrimtarësh" (2002) të piktorit Demir Behluli, në “Antologjinë e krijimtarisë bashkëkohore shqipe" (shqip-gjermanisht) të përgatitur nga shkrimtari Ferdinand Laholli(2003), në Antologjinë e botuar në gjuhën gjermane "Albanische Lyrik“ të autorit Driton Gashi (2023) dhe në Antologjinë "Ku frymojnë ëndërrat fëminore“, 58 poetë të letërsisë shqipe për fëmijë e të rinj, të përzgjedhur nga shkrimtari Xhahid Bushati (2025).

Jeton në Gjermani. Një nga temat në krijimtarinë e tij është mërgimi.

Krijimaria

Poezitë e tij janë përkthyer në gjuhën gjermane, turke, rumune dhe serbokroate. Deri më tash ka botuar:

“Me zemër të mbushur atdhe" (poezi për fëmijë), l992
"Dielli i vendlindjes“ (tregime për fëmijë), 1993
“Urti“ (aforizma), 1998
"Kori i fëmijëve" (poezi për fëmijë), 2002
“Loni i pallatit tim" (poemë për fëmijë), 2005
“Në gjah pas drenushës" (tregime për fëmijë), 2005
“Klinika e kukullave" (tregime për fëmijë), 2005
“Gjuhë e zemrës" (tekst shkollor), 1999
“Dritë e diturisë" (Monografi e Shkollës Shqipe në Badenin Jugor të Gjermanisë), 2002
“Nga Kosova drejt kampionatit botëror" (kushtuar sportistit Luan.Krasniqi), 2005
“Hija e dhembjes" (poezi), 2007
“Prim.Dr. Daut Mustafa" (monografi), 2009
“Urë Atdheu" (monografi), 2010
“Buzëqeshja e Hyjit" (poezi), 2011
“Abetare për parashkollorë" (tekst shkollor), 2015
“Ansambli etno-kulturor i Hoçës së Qytetit" (monografi), 2016
“Arsimi në Vërri të Prizrenit" (monografi), 2016
“Vërrini nga lashtësia" (monografi), 2018
“Frrok Kristaj, doajen i kulturës shqiptare" (monografi), 2018
“Dimensionen der Zeit" (poezi, përkthyer në gjermanisht nga përkthyesi dhe publicisti Driton Gashi), 2020
“Macja me celular" (fabula), 2020
“Bota e numrave" (poezi), 2021
“Një shetitje në Prizren" (Poemë për fëmijë), 2021
“Ansamblin artistik "Emin Duraku“ Zhur-Prizren" (monografi, në bashkëautorësi me Hajdar Elezkurtaj), 2024

dhe është bashkautor i librave

“Shkolla Shqipe në Wupertal", (monografi), 1998
“Thesari kulturor i atdheut tim", 2000
“Shkolla Shqipe në Tuttlinegn të Gjermanisë", (monografi), 2002
“Emra që s`harrohen - arsimtarë në diasporë", 2006
“Shkolla shqipe në Viersen (Gjermani" (monografi), 2006
“Prof. Dr. Gjergj Minga, skalitës i dijes, humanizmit e atdhedashurisë; Botoi Universiteti i Prishtinës" (monografi), 2011
“Marash Gojani veprimtar dhe humanist i diasporës", (monografi), 2017 dhe
“Prof. dr. Besnik Jucja aset i çmuar i farmaceutikës shqiptare" (monografi), 2025

Shih edhe