Arkitektura bizantine në Shqipëri

Arkitektura bizantine në Shqipëri vazhdon të përdorë deri në shek.XI tipat e vjetër arkitekturorë, ndër të cilat bazilikat (Durrës, Perondi). Gjatë gjithë mesjetës së hershme, me kushtet e vështira ekonomike-politike të vendit, vijojnë të përdoren një pjesë e ndërtimeve të periudhës së mëparshme. Njëkohësisht futen në Jug tipat e rinj të arkitekturës bizantine me planimetri kryqi të brendashkruar në forma akoma të pazhvilluara (Peshkopi e Sipërme, Gjirokastër, Kosinë e Përmet), ndërsa në Shqipëri të Veriut hyjnë elemente të arkitekturës Romanike (Rubik).