Benda
Benda është krahinë malore në pjesën verilindore të rrethit të Tiranës, në rrjedhjen e sipërme të lumit të Tërkuzës dhe atij të Tiranës, pjesë e Malësisë së Tiranës.
Në lindje kufizohet me Malin me Gropa, malin e Xibrit, në perëndim me pjesën veriore të Dajtit, malin e Priskës së Vogël dhe malin e Gramtit, në veri me Qafën e Shtamës, kurse në jug me krahinën e Shëngjergjit.
Benda ka një pozitë strategjike të favorshme në thellësi të vendit, e mbrojtur mirë nga male të larta. Në krahinën e Bendës gjenden 12 fshatra të grupuara në dy fshatra të bashkuara: Zall-Bastar dhe Zall-Dajt.