Dekorata Crystalla Dardanica

Dekorata Crystalla Dardanica është dekoratë shtetërore e Kosovës që u jepet qytetarëve të Kosovës e të huaj që kontribuojnë për Kosovën, si dekoratë që simbolizon pasuritë dhe bukuritë e Kosovës në kuptim të miqësisë.

Kjo dekoratë u themelua nga Presidenti i Republikës së Kosovës më 1996 dhe u është dhënë disa personaliteteve të huaja. Shprehja e mirënjohjes dhe nderimi i individëve me këtë dekoratë bëhet nga presidenti i Kosovës. Të drejtën për të paraqitur propozim për dekorim para Presidentit të Kosovës e kanë:

• Kryetari i Kuvendit,
• Kryetari i Qeverisë,
• Kryetari i Gjykatës Supreme dhe i Kolegjit Kushtetues,
• Prokurori i Kosovës,
• Ministri,
• Shefi i Shtabit të Përgjithshëm,
• Drejtori i Drejtorisë së Përgjithshme të Policisë,
• Kryetari i Kuvendit të Komunës,
• Kryetari i Akademisë së Shkencave dhe të Arteve të Kosovës,
• Rektori i Universitetit.