Enciklopedi e kopshtarisë

Nga Wikipedia, enciklopedia e lirë
Jump to navigation Jump to search
Enciklopedi e kopshtarisë.JPG

Enciklopedi e kopshtarisë Autori: Vasil Shqau. Botuesi: Toena. Faqet e librit 778.

Enciklopedi e Kopshtarisë është një botim me vlera unikale e gjithëpërfshirëse dhe merret me trajtimin e rreth 3.000 lloje varietete bimësh, shkurresh e drurësh, duke dhënë edhe vlerat e tyre ekonomike, teknologjike, estetike, ushqimore, mjekësore etj. Ky botim do t’i shërbejë jo vetëm specialistëve e studentëve të fushës, por edhe teknikëve të pylltarisë, lulishtarëve, mësuesve të biologjisë, nxënësve të të gjitha shkollave, si dhe çdo njeriu të apasionuar që do të dijë më shumë për natyrën që na rrethon. "Enciklopedi e Kopshtarisë" është vepër dhe kontribut i përvojës 40-vjeçare të Vasil Shqaut në fushën e kopshtarisë, gjelbërimit dhe mbrojtjes së mjedisit. Edhe pse në moshën 95-vjeçare, ai ndjek me shqetësim problemet e vendit që kanë të bëjnë me gjelbërimin, mbrojtjen e pyjeve dhe të mjedisit, shkruan vazhdimisht dhe është gjithnjë i pranishëm në faqet e gazetave e të revistave, me shkrime mjaft të dobishme.