Episodet e Anubis (sezoni i pare)

Nr.	Titulli	Data
1	House of Secrets/House of Attitude	1 janar 2011
2	House of the Black Bird/House of Dares/House of Lies	1 janar 2011
3	House of Locks/House of Eyes	2 janar 2011
4	House of Agendas/House of Keys	2 janar 2011
5	House of Discovery/House of Hyper	10 janar 2011
6	House of Cheats/House of Rumors	11 janar 2011
7	House of Intruders/House of Proof	12 janar 2011
8	House of Confrontation/House of Alarms	13 janar 2011
9	House of Flames/House of Passages	14 janar 2011
10	House of Kidnap/House of Cat-Nap	18 janar 2011
11	House of Cameras/House of Numbers	19 janar 2011
12	House of Scares/House of Fakers	20 janar 2011
13	House of Identity/House of Emergency	21 janar 2011
14	House of Reunion/House of Memories	24 janar 2011
15	House of Drama/House of Codes	25 janar 2011
16	House of Risk/House of Thieves	26 janar 2011
17	House of Hazard/House of Charades	27 janar 2011
18	House of Rendezvous/House of Rescue	31 janar 2011
19	House of Arrest/House of Hoax	1 shkurt 2011
20	House of Time/House of Aliens	2 shkurt 2011
21	House of Masks/House of Pursuit	3 shkurt 2011
22	House of Yesterday/House of Victory	4 shkurt 2011
23	House of Bribes/House of Venom	14 shkurt 2011
24	House of Stars/House of Harsh	15 shkurt 2011
25	House of Lights/House of Allegiance	16 shkurt 2011
26	House of Pests/House of Betrayal	17 shkurt 2011
27	House of Reservations/House of Heavy	18 shkurt 2011
28	House of Hush/House of Spies	19 shkurt 2011
29	House of Sting/House of Never/House of Forever	19 shkurt 2011

Përmbajtja

House of Secrets/House of Attitude - Shtëpia e Sekreteve/Shtëpia e qëndrimeve

Nina Martin, një adoleshente amerikane, arrin në shkollën Anubis dhe kupton se aty ka shumë gjëra miseterioze. Ajo takon shoqen e saj të dhomës, Patrisian, dhe përpiqet të bëjë të pamundurën për të. Gjithsesi, një nga nxënëset e quajtur Xhoi, zhduket papritur ditën kur Nina vjen. Patrisia bën shumë përpjekje për ta ditur zhdukjen e Xhoit, e përqëndruar vetëm tek Nina. Patrisia bëhet shumë nervoze kur sheh që në pasqyrë shkruhet "Më ndihmo! - Xhoi"; gjithsesi, kjo doli që ishte një shaka kur Patrisia pyet Alfin dhe bën një premtim fals.

House of the Black Bird/House of Dares/House of Lies - Shtëpia e Zogut të Zi/Shtëpia e guximeve/Shtëpia e gënjeshtrave

Jeta e Ninës bëhet akoma më misterioze kur ajo takon një grua të moshuar e cila i thotë të gjejë thesarin që është në shtëpi dhe ta fshehë. Gjithashtu, ajo i jep një medalion në formën e një syri. Patrisia e pyet zotin Suit - drejtorin e shkollës - për zhdukjen e Xhoit dhe nuk merr vesh asgjë. Kjo bëhet më misterioze kur në foton e shkollës, Xhoin e kanë fshirë. Amberi bëhet xheloze për shoqen e saj të dhomës, Marën, sepse ajo po ndihmon të dashurin e Amberit, Miku, me detyrat e shtëpisë. Miku i jep Marës një kopje të njëjtë byzylyku që ia kishte dhënë edhe Amberit. Amberi do që ta bëjë xheloz Mikun, prandaj puth Alfin në sytë e tij. Pasi kjo mbaron, Patrisia mbledh të gjithë studentët për një ceremoni pafajësie për Ninën. Pjesa e parë është që Nina të vjedhë çelësin e papafingos nga zyra e Viktorit. Nina ngjitet në papafingo dhe Patrisia e kyç atë. Patrisia e pyet Ninën për zhdukjen e Xhoit, por Nina nuk di asgjë për të. Më pas, të gjithë ikin sepse vjen Viktori. Sapo largohen, Viktori ngjitet në papafingo dhe Nina është në rrezik.

House of Locks/House of Eyes - Shtëpia e kyçeve/Shtëpia e Syve

Fabiani dhe Amberi e pyesin Patrisian se nga e çoi çelësin dhe ajo iu thotë se e hodhi nga dritarja. Ndërkohë, në papafingo Nina padashur hap një derë të fshehtë me medalionin, por atje sheh një palë sy të frikshëm që i shkaktojnë frikë. Në fund, ajo përdor një karficë flokësh për të hapur derën e papafingos. Ajo e mbaron me sukses ceremoninë e pafajësisë dhe më pas i tregon Fabianit se çfarë kishte ndodhur në papafingo. Ditën tjetër, kur po shkonin në shkollë, Fabiani dhe Nina, gjetën çelësin e papafingos që kishte rënë nga dritarja. Nina tha që ta mbanin për më vonë. Patrisia dëgjon disa pjestarë të stafit të shkollës që flisnin për zhdukjen e Xhoit. Patrisia i kërkon ndihmë Marës për të hyrë në zyrën e zotit Suit dhe të vjedhë dosjen e Xhoit. Kur të gjihtë kthehen në shtëpi, Viktori ia u merr çantat për t'i hetuar. Nina dhe Fabiani ngjiten në papafingo dhe hapin derën sekrete. Pas derës fshiheshin sytë, të cilët ishin pjesë e një pikture.

House of Agendas/House of Keys - Shtëpia e axhendave/Shtëpia e çelësave

Fabiani dhe Nina zbulojnë domethënien e shkronjave egjiptiane mbrapa pikturës së vjetër. Ata zbulojnë se thesari ndodhet në shkallën e tetë. Në shkallën e tetë ata zbulojnë një çelës. Fabiani zbulon planin e Xheromit për Amberin dhe ia thotë Mikut. Miku dhe Amberi lidhen përsëri bashkë dhe i ftojnë të gjithë në festën e tyre.

House of Discovery/House of Hyper - Shtëpia e zbulimeve/Shtëpia e tepërt

Viktori vendos një pupël mbi derën e papafingos, dhe kur Nina dhe Fabiani hynë atje për të gjetur një cilindër, Viktori e di se dikush ka hyrë atje. Mara i thotë Patrisias për pëlqimin e saj mbi Mikun. Amberi dëgjoi gjithçka që thanë, prandaj ajo vendos që të ndërrojë dhomën nga Mara dhe të shkojë tek Nina. Nina dhe Fabiani e çojnë cilindrin tek xhaxhai i Fabianit i cili ka një dyqan sendesh të vjetra, dhe zbulon për një gramofon. Fabiani thotë se i kujtohet gramofoni në papafingo. Patrisia dëgjon policin - ai që denoncoi zhdukjen e Xhoit - që po fliste me Viktorin dhe kupton se të gjithë janë pjesë e zhdukjes së Xhoit.

House of Cheats/House of Rumors - Shtëpia e hileve/Shtëpia e thashethemeve

Mara kopjon në testimin e frëngjishtes për Mikun dhe Xheromi e sheh. Ai i bën shantazh dhe i thotë që të bëjë punët e shtëpisë që ka ai dhe Alfi. Patrisia sheh dikë shumë të çuditshëm dhe i thotë profesorit të aktrimit, zotit Xhejzon Uinkler, i cili i thotë se do ta ndihmojë për të kuptuar zhdukjen e Xhoit. Nina dhe Fabiani ngjiten në papafingo dhe gramofoni bën shumë zhurmë, prandaj ata largohen. Amberi e kap Ninën në banjë duke shqyrtuar cilindrin që ka gjetur. Prandaj Nina është e detyruar t'ia thotë Amberit të gjitha.

House of Intruders/House of Proof - Shtëpia e të bezdisshmëve/Shtëpia e provave

Miku e kupton se Mara ka kopjuar për testimin e tij dhe zihet me të. Amberi zbulon një mesazh sekret prapa letrës së murit ku shkruhej "Ndihmë, Sara Frobisher-Smaith". Nina, Fabiani dhe Amberi e regjistrojnë gramofonin në një MP3 Player. Vajza që flet në gramofon flet për një vdekje. Më vonë, fëmijët zbulojnë se ajo është Sara. Amberi zgjedh emrin e grupit Sibuna (Anubis nga mbrapa). Ata bëjnë një ritual në pyll ku secili duhet të sakrifikojë diçka.

House of Confrontation/House of Alarms - Shtëpia e ballafaqimeve/Shtëpia e alarmeve

Patrisia takon përsëri "fantzmën" e saj në pyll. Ai i thotë se është hetues privat me emrin Dr. Rene Zeldman dhe do ta ndihmojë të gjejë Xhoin. Miku ndahet nga Amberi sepse ajo nuk del shpesh me të. Hetimet e Xhejzonit e çojnë atë tek Viktori, i cili e thërret atë si një zëvendës. Pasi Alfi dhe Xheromi inçizojnë mbi MP3-shin, Sibunës i duhet përsëri të inçizojë gramofonin. Në papafingo, Amberi zgjidh pjesën e parë të pazëllit të gjëegjëzës. Patrisia takon Dr. Zeldman dhe diskutojnë për planet e tij mbi gjetjen e Xhoit (Këtu zbulohet emri i vërtetë i Zeldmanit, ai quhej Rufus Zeno). Patrisia duhet të gjejë Syrin e Horus-it, të cilin e ka Nina. Grupi fillon të zbulojë gjëegjëzën tjetër, kur në mes të ditës dielli refekton mbi shandanin dhe hapet një pjesë sekrete në mur. Miku i kërkon falje Amberit që u soll aq i pasjellshëm. Sibuna dëgjon një zë të përafërt me atë të Viktorit në regjistrime.

House of Flames/House of Passages - Shtëpia e flakëve/Shtëpia e kalimeve

Patrisia merr vesh se Nina ka Syrin e Horus-it dhe ia thotë Rufusit. Sibuna hap pazëllin tjetër që të gjejë gjëegjëzën tjetër. Duket se ajo i afrohet një oxhaku, prandaj Sibuna heton të gjitha stufat dhe oxhakët e shtëpisë. Ndërkohë, mësuesit po bëjnë një ritual në bodrum. Nina zbulon se kush është oxhaku dhe ai mund të hapet me medalionin e saj. Ata kalojnë përmes oxhakut dhe dalin në bodrum. Mësuesit ia marrin telefonin Patrisias dhe zbulojnë se ajo është në kontakt me Rufus Zenon, ose siç e quajnë ata ndryshe "Tradhëtari". Në bodrum Sibuna zbulon gjëegjëzën e rradhës, një unazë ku në të shkruhet diçka. Kur ata po e hetonin unazën, Viktori zbret poshtë dhe ata fshihen në një dollap të vogël. Prej andej, shohin Viktorin që pi një lëng që të jep jetë.

House of Kidnap/House of Cat-Nap - Shtëpia e rrëmbimeve/Shtëpia e maceve të rrëmbyera

Amberi dhe Nina gjejnë një mace që është arratisur nga bodrumi. Amberi bën sikur është e sëmurë që të rrijë me macen. Por, macja largohet kur Amberi është duke fjetur. Patrisia i thotë Ninës që medalionin t'ia japë Rufusit, por sapo ato arrijnë tek vendi ku do të takoheshin, shohin Viktorin që e fut Rufusin në një makinë. Sibuna i rikthehet mendimit se Viktori është duke pirë lëngun e jetës, që ta mbajë gjallë akoma. Pas disa provash se në bodrum po bëhen eksperimente, Sibuna i kthehet Trudit për ndihmë dhe ajo i kërkon Viktorit që ta hapë derën e bodrumit. Dhe në atë çast ndodh më e keqja: Viktori pushon nga puna Trudin.