Fadil Kraja

Nga Wikipedia, enciklopedia e lirë
Jump to navigation Jump to search
Fadil Kraja.jpg

Fadil Kraja u lind në Shkodër, Shqipëri, më 1931. Studimet e larta i përfundoi në Universitetin e Tiranës, në Fakultetin e Filologjisë. Për shumë vite punoi si mësues i letërsisë në shkolla të mesme dhe më vonë pedagog i letërsisë së huaj në Fakultetin e Gjuhë-Letërsisë të Universitetit "Luigj Gurakuqi" - Shkodër. Nga viti 1972 gjer më 1992 ka qenë shkrimtar në profesion të lirë, duke vazhduar si pedagog i jashtëm në fakultet dhe njëkohësisht Kryetar i Degës së Lidhjes së Shkrimtarëve dhe Artistëve për Degën e Shkodrës. Vëllimi i parë poetik "Kënga ime" (1954) fitoi çmimin e parë në Konkursin Kombëtar të Letërsisë. Pastaj me radhë ka botuar vëllimet poetike "Melodi malësore", "Jehona malesh", vëllimet me tregime "Kandidatja e fundit", "Fajin e kishte Besa".

Ka shkruar mbi 40 drama dhe komedi të shfaqura në të gjithë teatrot profesioniste të Shqipërisë, si dhe në Kosovë, Mal i Zi, Maqedoni dhe në diasporë. Mes tyre përmenden: "Fisheku në pajë", "Sinjalet e natës", "Shpartallimi", "Baca i Gjetajve", "Gjaku i Arbërit", "Djem të mbarë", "Çështja e Blertës", "Flamur në dasëm", "Rozafa", "Kur flasin zemrat", "Luani i shtëpisë", "Çështje familjare", si dhe shumë drama për fëmijë, librete operash dhe operetash.

Kontributi i tij është çmuar edhe nga Presidenti i Shqipërisë, Rexhep Meidani, i cili i ka dhënë titullin e lartë "Mjeshtër i madh".

Stub biografi.png Ky artikull në lidhje me Biografia është i cunguar. Mund të ndihmoni Wikipedinë duke e përmirësuar.