Fisnik Qosja
Fisnik Qosja lindi më 8 Qershor 1988 në Kavajë. Ai jeton dhe punon në Kavajë, është i martuar dhe baba i një djali.
Pas zgjedhjeve të 14 majit 2023, Fisnik Qosja u zgjodh Kryetar i Bashkisë Kavajë dhe duke fituar ndaj Kryetarit në detyrë, ai i dha Partisë Demokratike fitoren më të rëndësishme në këtë vit zgjedhor.
Ai është avokat në profesion, sipërmarrës dhe gjithashtu i njohur për aktivitetin e hershëm në politikë.
Gjatë karrierës së tij profesionale ka mbuluar me sukses detyra të rëndësishme administative në administatë shtetërore dhe si Kryetar i Dhomës së Tregtisë dhe Industrisë në Kavajë.
Ai angazhohet që në moshë fare të re në Partinë Demokratike, si anëtar i Forumit Rinor, më pas për shumë vite si Kryetar i këtij Forumi në Kavajë! Anëtar i Këshillit Bashkiak në Kavajë dhe pjesë e listave shumëemërore si kandidati për deputet në Kuvendin e Shqipërisë në zgjedhjet 2017 dhe 2021.
Pas fitores së Primareve të Partisë Demokratike për zgjedhjet vendore 2023, ai shpallet zyrtarisht kandidat i Koalicionit “Bashkë Fitojmë" per Bashkinë Kavajë.