Gjiri i Hartës
Gjiri i Hartës është një destinacion i mahnitshëm turistik i vendosur në bregdetin jugor të Shqipërisë. Ai shtrihet ndërmjet qytetit të Sarandës dhe fshatit të njohur turistik, Ksamil. Ky gjiri është i rrethuar nga male dhe ndodhet në një zonë urbane, duke ofruar një kontrast të mrekullueshëm midis peizazheve natyrore dhe zhvillimit urban.[1]
Plazhi i Gjirit të Hartës është i izoluar dhe ofron një ambient të qetë dhe relaksues, ideal për ata që kërkojnë të shijojnë qetësinë dhe detin larg zhurmës dhe turmave. Rëra e bardhë dhe uji i kristaltë krijojnë një atmosferë të veçantë, ku çdo vizitor mund të ndjejë magjinë e bregut dhe freskinë e detit. Ndërsa futeni në ujë, përjetoni një ndjesi të veçantë që vjen nga pastërtia dhe kaltërsia e tij.
Gjiri i Hartës është lehtësisht i arritshëm me çdo lloj automjeti, çka e bën atë një destinacion të përshtatshëm për të gjithë vizitorët. Pranë plazhit ndodhet një restorant që ofron ushqime të shijshme lokale dhe ndërkombëtare. Për ata që dëshirojnë të kalojnë më shumë kohë në këtë destinacion të bukur, në afërsi të plazhit ofrohen apartamente dhe hotele të shumta, duke siguruar akomodim të rehatshëm dhe të përshtatshëm.
Në plazhin e Gjirit të Hartës, vizitorët mund të gjejnë çdo shërbim të nevojshëm për të shijuar plotësisht qëndrimin e tyre. Shezllonët dhe çadrat janë në dispozicion për të siguruar një ditë të rehatshme nën diell, ndërsa varkat me pedale janë një mundësi e shkëlqyer për të eksploruar ujërat e kaltra të gjirit.
Ky plazh është një destinacion i preferuar pushimesh për shumë turistë, si shqiptarë ashtu edhe të huaj. [2] Bukuria natyrore, qetësia dhe shërbimet e ofruara bëjnë që vizitorët të marrin me vete mbresa të paharrueshme nga ky vend. Shumë prej tyre zgjedhin të rikthehen sërish për të përjetuar edhe një herë magjinë e Gjirit të Hartës. [3]