Kadrush Radogoshi

Nga Wikipedia, enciklopedia e lirë
Jump to navigation Jump to search

Mr. Kadrush Radogoshi u lind në Gjakovë më 15.09. 1948. Fakultetin Filosofik (Dega e gjuhës dhe letërsisë shqipe) si dhe studimet posuniversitare i kreu në Prishtinë. Prej vitit 1969 e deri në vitin 1981 punoi në arsim, kur e burgosën dhe e dënuan për propagandë antijugosllave. Ishte i vetmi gjakovar në mesin e 237 intelektualëve të arrestuar më 28 mars 1989 e të dërguar fillimisht në Burgun e Leskovcit e pastaj në Burgun e Prokuples. Vite të tëra ka qenë i papunë dhe i përsekutuar, herë-herë gjer në linç publik. Shkruan poezi, prozë (tregim e roman), dramë, ese, kritikë dhe artikuj studimorë për letërsinë. Është fitues i shumë çmimeve për poezi e tregim në konkurset letrare. Në mars të 2005 u zgjodh nënkryetar i Lidhjes së Shkrimtarëve të Kosovës, ndërsa në mars 2008 u zgjodh kryetar i saj. Ka botuar këta libra: "Në mes heshtjes dhe këngës", "Në udhëkryq", "Nekrologji për Sodomën", "Jeta artistike e Ilir Shkretës", "Interpretime", "Heraldika e pikëllimit", "Homo Dardanicus", "Adem Jashari dhe Vdekja", "Nëpër universin letrar", "Pikon çati e shpirtit", "Orfeu nga vendenisi", "Nëpër rrathët e ferrit serb", "Pikëllim i buzëqeshur", "Semantika e bregut tjetër", etj. Është ndër veprimtarët dhe shkrimtarët më aktiv të Kosovës.