Kurów

Nga Wikipedia, enciklopedia e lirë
Jump to navigation Jump to search
Kurów
Qytet
Stema_figura
Administrimi
Shteti Flamuri Polonia
Kryetari i Bashkisë Jan Łubek
Sipërfaqja dhe popullsia
Sipërfaqja 11,32 km2
Popullsia 2782 (30.06.2006) banorë
Dendësia 246 banorë/km2
Të dhëna të tjera
Kodi Postal 24-170
Prefiksi +48 (81)

Kurovi (polonisht Kurów) është fshat në juglindje të Polonisë, mes qyteteve Pulavi dhe Lublin, në breg të lumit Kurovka. Është kryeqytet i një rrethi (gmina) të veçantë në provincën (vojvodska) e Lublinit dhe ka 2811 banorë (viti 2005).

Diku mes viteve 1431 dhe 1442, fshatit iu akorduan të drejtat e një qyteti në bazë të Ligjit të Madgeburgut. Si qytet privat, ishte qendër e tregtisë së ushqimit në rrethinë. Shumë fabrika për përpunimin e leshit dhe lëkurës funksionin këtu gjithashtu. Në shek. XVI, Kurovi ishte një nga qendrat e kalvinizmit, meqë shumë nga kundërshtarët polakë të trinisë (arianistë) u vendosën aty. Kah viti 1660, shumica e banorëve kishin përqafuar Arianizmin.

Pas vitit 1660, qyteti ndan historinë me pjesën tjetër të rajonit. Më 1795, pas copëtimit të tretë të Polonisë, Kurovi u aneksua nga Austria. Më 1809, u bë pjesë e Mbretërisë së Polonisë. Gjatë Kryengritjes së nëntorit, në shkurt 1831, një betejë e vogël u zhvillua në Kurov, me ç’rast ushtria polake ngadhënjeu ndaj rusëve. Më 1870, gjatë Kryengritjes së janarit, Kurovi humbi aktin themelues që e përkufizonte si qytet, që nuk e ka rifituar më. Prej vitit 1918, Kurovi është sërish pjesë e Polonisë.

9 shtator 1939, gjatë Luftës për Mbrojtjen e Polonisë siç quhet në polonisht fillimi i Luftës së Dytë Botërore, fshati u bombardua rëndë nga gjermanët. Prej caqeve të shkatërruara ishte edhe një spital civil (i shënuar me kryqe të kuq), ku u vranë shumë njerëz. Gjatë LIIB, Gjermania instaloi kampe të punës për të burgosur. Më 1942, një geto e vogël u themelua. Sidoqoftë, shumë polakë të burgosur në Kurov ikën dhe iu bashkëngjitën çetave të ushtrisë polake që vepronin në malet përreth.

Për turistët është e veçantë kisha e renesancës (rinovuar më 1692) me varrin e familjes Zbaski dhe skulpturat e Santi Guçit (1587). Kurovi është vendlindja e gjeneralit Wojciech Jaruzelski.

Lidhje të jashtme[redakto | përpunoni burim]